جوډيشل کميشن د جسټس عتيق شاه د پيښور هائيکورټ مستقل چيف جسټس مقرر کولو منظوري ورکړې، جسټس سرفراز ډوګر د اسلام آباد هائيکورټ ، جسټس روزي خان د بلوچستان هائيکورټ او جسټس جنيد غفار د سندهـ هائيکورټ چيف جسټس په حيث منظوري ورکړې شويده ۔
اسلام آباد: چيف جسټس يحيیٰ آفريدي مشرۍ کښې د جوډيشل کميشن آف پاکستان اجلاس شوې چې پکښې د پيښور هائيکورټ پشمول د څلور واړو صوبائي چيف جسټسز او اسلام آباد هائيکورټ چيف جسټس لپاره د سينئر ججانو په نومونو غور شويدې ۔
جوډيشل کميشن اجلاس کښې د پيښور هائيکورټ چيف جسټس لپاره د جسټس عتيق شاه د نوم منظوري ورکړې شويده
اجلاس کښې اسلام آباد هائيکورټ لپاره د جسټس سرفراز ډوګر منظوري هم ورکړې شويده ۔
غونډه کښې جسټس روزي خان د بلوچستان هائيکورټ او جسټس جنيد غفار د سندهـ هائيکورټ چيف جسټس په حيث منظوري ورکړې شويده ۔
ذرائعو وئيلي چې د سپريم کورټ سينئر جج جسټس منصور علي شاه د دغه منظورو مخالفت کړې او وئيلي دي چې اول دې د شپږ ويشتم آئيني ترميم خلاف دائر درخواستونو فيصله اوکړې شي ۔
جوډيشل کميشن کښې د تحريک انصاف اراکينو او د خيبر پښتونخوا وزير قانون هم د جسټس منصور علي شاه د مؤقف ملګرتيا کړې ده ۔
بلخوا په دغه معامله کاروائي مکمل کولو لپاره وزيراعظم ته مراسله هم ليږلې شويده، د جوډيشل کميشن سيکريټري د وزيراعظم پرنسل سيکرټري ته مراسله کښې خواست کړې چې کميشن د دغه ججانو د تقررۍ متفقه منظوري ورکړې او وزيراعظم دې په دې حواله نوره کاروائي مکمل کړي ۔
