جعلي ډګري کيس کښې د اسلام هائيکورټ جج جسټس طارق جهانګيري د جج عهدې لپاره نااهل ګرځولې شويدې، عدالت حکم کړې چې جسټس طارق جهانګيري دې عهدې نه لرې کړې شي،فيصلې مطابق تعيناتۍ په وخت د جسټس جهانګيري ډګري درست نۀ وه، فيصله کښې وزارت قانون ته د هغۀ د ډي نوټيفائي کولو امر هم شويدې،د اسلاميه لا کالج پرنسل عدالت کښې انکشاف کړې چې طارق جهانګيري د هغوي طالب علم نۀ دې پاتې شوې او هغه په نقل کولو نيولې شوې وو ۔
داسلام آباد هائيکورټ چيف جسټس سرفراز ډوګر او جسټس اعظم خان باندې مشتمل بينچ د کيس سماعت کړې، دې لړ کښې د کراچۍ يونيورسټۍ رجسټرار هم عدالت ته پيش شوې ولې طارق جهانګير عدالت ته نۃ وو وړاندي شوې ، سماعت دوران د کراچۍ يونيورسټۍ رجسټرار د ډګرۍ په اړه اوريجنل ريکارډ پيش کړي ۔
بلخوا د طارق جهانګير وکيل بيرسټر صلاح الدين وئيلي چې عدالت سره د طارق جهانګير درې درخواستونه موجود دي اول دې هغه واوريدلٰ شي ۔
ميا داؤد ايډووکيټ عدالت ته وئيلي چې هغه هم قسم خوري چې د طارق جهانګير انروليمنټ فارم پورې هر څه جعلي وو، کۃ چرې هغه ريښتونې وي نو ايل ايل بي پارټ ون او پارټ ټو مارکس شيټس دې راوړي ۔
سماعت په وخت د کراچۍ يونيورسټۍ رجسټرار عدالت ته اووئيل چې کراچي يونيورسټۍ په حتمي توګه د طارق جهانګير ډګري کينسل کړې ۔
د اسلاميه کالج پرنسپل هم واضحه کړې چې طارق محمود جهانګيري د هغه سټوډنټ نۀ وو ،نقل کولو او ايګزامنر ته دهړکې ورکولو باندې طارق جهانګير باندې درې کاله بنديز لګولې شوې وو، نولس سوه دوه نوي کښې دوباره هغۀ د امتحان ورکولو اهل وو، بنديز باوجود طارق محمود ډګري ترلاسه کولو لپاره جعلي انروليمنټ فارم استعمال کړېدي ۔
عدالت د ټولو وکيلانو دلائل مکمل کولو نه پس فيصله محفوظ کړې او بيا ئې لږ ساعت پس اورولې ده،فيصلې ترمخه جسټس طارق محمود جهانګير د جج عهدے لپاره نااهل ګرځولې شويدې ۔
