مردان کښې يو پوليس اهلکار د خپل رور بدل اخستو لپاره په هتهکړو کښې بند ملزم په ډزو وژلې دې،ډزو پيښه د صدر تهاڼې ايس پي صدر سرکل اوايس پي انوسټي ګيشن آفس کښې دننه رامخې ته شوې ، پوليس په موقع ډزې کونکي اهلکار نيولې دې ، ډې پي او مردان د غفلت کولو په وجه درې پوليس اهلکاران معطل کړي، او پيښې نورې پلټنې جاري دي ۔
د مردان پوليس تهانه صدر ايس پي انوسټې ګيشن آفس او سرکل ايس پي صدر آفس کښې دننه عمران نومي تن چې ډي ايس پي ټريفک نائب ريډر په توګه ئې ډيوټې کولا، هغۀ په هتهکړو کښې بند ملزم مشال باندې د پوليس په موجودګۍ کښې ډزې کړي چې لوجې ئې هغه په موقع مړ شويدې ۔
په موقع ډيوټي کونکي پوليس ملزم پوليس والا عمران وسله په لاس نيولې شوې او سمدستي پوليس چارواکي موقعې ته رسيدلي او د پيښې پلټنې ئې شروع کړيدي ۔
ډي پي او مردان غفلت کولو په وجه درې پوليس اهلکار معطل کړي او د هغوي خلاف ئې محکمانه کاروائۍ حکم هم کړې دې ۔
بلخوا پحق رسيدونکې کس خپل خپلوانو د هغۀ مړې احتجاج په توګه د پوليس تهانه صدر مخې ته ايښودې او روډ ئې هم د هرقسم ټريفک لپاره بند کړې وو ۔
په موقع ايس پي سټې او ايس پي صدر سرکل احتجاج کونکو سره مذاکرات هم کړې، احتجاج کونکي وينا وا چې د پوليس په موجودګۍ کښې ملزم وژل کيدل د هغوي لويه لاپرواهي او غفلت دې ۔
ياده دې وي چې تيره شپه پحق رسيدونکي ملزم د پوليس والا ورور په معمولي خبره قتل کړې وو ، چې په ترڅ کښې ئې هغۀ د خپل ورور بدل اخستې دې ۔
