د روس او افغانستان ترمينځ اړيکو کښې مهم پرمختګ مخې ته راغلې دې، روس حکومت په باقاعده توګه اسلامي امارت تسليم کړېدې، افغان خارجه وزير مولوي امير خان متقي د روس د فيصلې هرکلې کړې،وئيلي دي چې دې فيصلې سره به د دواړو ملکونو تعلقات نور هم مضبوط شي، اميرخان متقي طمع څرګند کړې چې نور ملکونه به هم اسلامي امارت په رسميت وپيژني ۔
روس د افغانستان د نوې سفير اسناد قبول کړي او ماسکو کښې د افغانستان په سفارتخانه د افغانستان اسلامي امارت بيرغ اوچت کړے شوې ،بلخوا کابل کښې روسي سفير دمتري ژيرنوف د خارجه وزير مولوي امير خان متقي سره اهم ملاقات کړې او افغانستان اسلامي امارت تسليمولو نه ئې په باقاعده توګه خبر کړېدې ۔
د روس خارجه وزارت بيان ترمخه افغانستان سره به سيکيورټي ، ترهه ګرۍ مخنيوي او نشائي توکو خلاف جنګ کښې مرستې جاري ساتو ، دواړه هيوادونه به تجارت او په خصوصي توګه توانائي ، ټرانسپورټ ، زراعت او انفراسټرکچر مد کښې د موقعو نه فائدي اوچتوي ۔
د افغانستان خارجه وزير مولوي امير خان متقي وئيلي دي چې د روس دې ګام ته د قدر په سترګه ګورو ، انشا الله نورو هيوادونو لپاره به دا يو مثال ګرځي ۔
دي ګام سره روس د نړۍ وړومبۍ ملک جوړ شوې چاچې په باقاعده توګه د افغانستان اسلامي امارت تسليم کړې ، دې نه وړاندې يو هيواد هم اسلامي امارت په رسمي توګه نه وو پيژندلې، ولې پاکستان ، چين ، متحده عرب امارات او ازبکستان کابل کښې خپل سفيران تعينات کړي خو په باقاعده توګه دغې هيوادونو افغانستان اسلامي امارت نه دے تسليم کړے ۔
