د خېبر پښتونخوا وزيراعلیٰ سهيل آفريدي يو ځل بيا دهړکه ورکړې ، کۀ چرې باني پي ټي آئي سره د ملاقات اجازت ميلاؤ نۀ شو ،نو زيارت په ورځ به ټول ملک نه ډې چوک جوړولې شي، کۀ د باني صحت خراب شو، نو ذه وار به ئې وزيراعظم او او نور اعلیٰ چارواکي وي ،سهيل آفريدي وئيلي چې زيارت په ورځ ټول پارليمنټرين اډياله جيل ته ځي او سبا به دوي سپريم کورټ مخې ته دهرناهم ورکوي، او دا چې د ملک ټول ځوانان غصه کښې دي،او ملک کښې ورته خپل مستقبل په نظر نۀ راځي ۔
اسلام آباد: خېبرپښتونخوا هاوس اسلام آباد کښې سلمان اکرم راجه او نور مشرانو سره شريک پريس کانفرنس دوران وزيراعلى خېبرپښتونخوا وئيلي چې زيارت په ورځ به ټول پارليمنټرينز اډياله جيل ته ځي او سبا به ټول پارليمنټرينز سپريم کورټ مخې ته دهرنا ورکوي ، باني پي ټي آئي کورنۍ ګارنټى راکوي چې ملاقات نه پس به هيڅ قسمه سياسي خبره نه کوي ۔
وزيراعلى خېبرپښتونخوا سهيل آفريدى اووئيل کۀ چرې زيارت په ورځ باني پي ټي آئي سره ملاقات اونۀ شو نو د شپې لس بجې به ټول پاکستان نه ډي چوک جوړولې شي ۔
وزيراعلى خېبرپښتونخوا مخکښې اووئيل چې زمونږ صرف دا مطالبه ده چې د باني دې ښۀ علاج اوشي ،بشرى بي بي او باني صحت خراب دې ، د باني صحت په حواله تشويش ختميدل پکار دي ،کۀ چرې په باني چيئرمين څه هم اوشو نو ذمه وار به ئې وزيراعظم او په عهدو موجود خلق وي ۔
وزيراعلى اووئيل چې باني پي ټي آئي ګرفتار نه بلکه اغوا کړې شوې او ناحقه ئې په جيل کښې ساتلې ، باني پي ټي آئي اغوا کړې شوې هغه بالکل فټ وو ، اډياله جيل کښې د باني صحت ذمه وار ټول نظام دې ۔
سهيل آفريدي زياته کړې ده چې د پاکستان ځوان نفرت او غصې په حالت کښې دې او ملک کښې ورته خپل مستقبل په نظر نۀ راځي ۔
وزيراعلى دا هم اووئيل کۀ چرې ځوانان بهر راووتل نو قابو کول به ئې ګران شي ، په اوويشتم ستمبر به ټول قام بهر وي او بيا به چا ته هم دوي قابو کولو موقع ميلاؤ نۀ شي ۔
