اليکشن کميشن مخصوص نشستونو په اړه د سپريم کورټ په فيصله عمل درآمد کړې او د څلور اوويا مخصوص نشستونو نوټي فکيشن ئې جاري کړېدې،فيصلې سره قامي اسمبلۍ کښې يوولس او خېبر پښتونخوا اسمبلۍ کښې د زنانؤ يويشت او اقليتونو څلور نشستونه بحال شوي، پنجاب اسمبلۍ کښې څليريشت او سندهـ کښې د زنانؤ دوه سيټونه بحال شويدي ۔
د اليکشن کميشن فيصلې نه پس د زنانؤ او اقليتونو مخصوص نشستونه مختلف سياسي جماعتونو کښې تقسيم شوي دي ۔
د سپريم کورټ د فيصلي ووروستو اليکشن کميشن آف پاکستان دمخصوص نشستونو د بحالۍ نوټيفيکيشن جاري کړې ، اليکشن کميشن قومي اسمبلۍ کښي دخېبر پښتونخوا د زنانؤ پنځه مخصوص نشستونه بحال کړي، قومي اسمبلۍ کښې د مسلم ليګ ن او پيپلز پارټۍ ته دوه دوه ولې خيبر پښتونخوا کښې يو مخصوص نشست جے يو آئي ته ميلاؤ شويدې ۔
قامي اسمبلۍ کښي د اقليتونو درې نشستونه هم بحال کړې شوي، د نوټيفيکيشن مطابق دا اميدواران د قامي اسمبلۍ ، خېبر پښتونخوا اسمبلۍ ، پنجاب اسمبلۍ او سندھ اسمبلۍ کښې په جنرل نشستونو کامياب شوي وو ۔
اليکشن کميشن د قامي اسمبلې مخصوص نشستونو د غړو رکنيت بحال کړې ،چې ورسره خېبر پښتونخوا اسمبلۍ کښې د زنانؤ يويشت مخصوص نشستونه بحال شوي، چې پکښي اتۀ جے يو آئي ،شپږ سيټونه ن ليګ، پينځۀ پيپلز پارټۍ مخصوص نشستونه بحال شويدي ۔
د اليکشن کميشن نوټي فکيشن ترمخه خېبرپښتونخؤا اسمبلۍ کښې تحريک انصاف پارليمنټرين او اے اين پي ته يو ،يو نشست ميلاؤ شوې ۔
خېبر پښتونخوا اسمبلۍ کښې اقليتونو مخصوص نشستونه هم بحال شوي، چې پکښې جے يو آئي ته دوه او ن ليګ او پيپلزپارټۍ ته يو، يو مخصوص نشست ميلاؤ شويدې ۔
اليکشن کميشن مطابق پنجاب نه د قامي اسمبلۍ زنانؤ يوولس مخصوص نشستونه بحال شوي چې پکښې لس ن ليګ او يو پيپلز پارټي ته ميلاؤ شويدې ۔
دغه شان د پنجاب څليريشت سيټونو کښې به ن ليګ ته يويشت ، پيپلز پارټي،آئي پي پي او ق ليګ ته يو، يو مخصوص نشست ميلاؤ شوې دې ۔
دې ترڅنګ سندھ کښې هم د زنانؤ دوه مخصوص نشستونه بحال شوي، چې پکښې يو پيپلز پارټۍ ته او يو نشست ايم کيو ايم پاکستان ته ميلاؤ شويدې ۔
