د قطر په راس لفان ايل اين جي کمپليکس کښې چاودنه شوې، چې پکښې ديارلس کسان پحق رسيدلي او شپږ شپيتۀ ژوبل شويدي، د قطر توانائۍ وزير سعد شريده الکعبي وئيلي چې پحق رسيدلي کسانو کښې پاکستاني او بهارتي وګړي هم شامل دي،چاودنه هاغه مهال شوې چې کله مارچ کښې د ايراني حملو نه پس بند کړې شوي تنصيبات بحاليدو کار جاري وو،د پيښې پلټنې او ژوبل کسانو علاج جاري دې ۔
دوحه: د قطر توانائۍ سعده شريده الکعبي وزير وئيلي دي چې ايل اين جي پلانټ چاؤدنه کښې ديارلس کسان مړۀ شوي او شپږ شپيتۀ نه سيوا ژوبل شويدي ۔
سول ډيفنس او هنګامي امدادي ټيمونه فوري کاروائي کړي او په اوور ئې قابو موندلې او ژوبل کسان ئې هسپتالونو ته منتقل کړيدي،قطري چارواکي د ديارلس کسانو د مرګ او شپږ شپيتۀ کسانود ژوبل کيدو تصديق کړېدې ۔
په حق رسيدلي کسانو کښې د پاکستان او بهارت وګړي شامل دي، ژوبل کسانو کښې د قطر پشمول د نيپال بنګله ديش کينيا او نائيجيريا وګړي شامل دي، چې مختلف هسپتالو کښي ئي علاج روان دې ۔
د قطري وزارت پيټروليم ترجمان وئيلي چي چاؤدنه هاغه وخت شوې چې کله ايران جنګ کښې پلانټ بنديدو وروستو بيا آپريشن شروع کولو عمل جاري وو ۔
ترجمان مخکښې اووئيل چې د پلانټ برآمدي صلاحيت نه دې متاثره شوې او نۀ ماحوليات ته خطره جوړه شوې ده، چاؤدنه د پلانټ په کومه برخه کښې شوې يا د نقصان نوعيت څۀ دې؟ د پيښې تحقيقات شروع کړې شويدي ۔
قطر انرجي وزارت ترجمان زياته کړې چې تحقيقات مکمل کيدو وروستو به د چاؤدنې اصل وجه او پحق رسيدلي کسانو مکمل شناخت په اړه نور تفصيلات جاري کولې شي ۔
