اليکشن کميشن آف پاکستان خېبرپښتونخوا کښې د قامي اسمبلۍ حلقه اين اے اتلسم هري پور کښې شوې ضمني انتخاباتو کښې د ټګۍ ټول تورونه رد کړېدي، ترجمان وئيلي چې مخصوص عناصر هميش پشان ضمني انتخابات متنازعه جوړولو کوششونه کوي، دغه عناصر د انتخابي عملې په تعيناتۍ اعتراضونه کوي، پولنګ ډے پورې هيچا هم داسې اعتراض نۀ وو کړې ۔
اسلام آباد: د اليکشن کميشن ترجمان طرف نه جاري بيان کښې وئيلي شوي چې ډسټرکټ ريټرننګ افسرانو او ريټرننګ افسرانو تعيناتي سازش ګرځول د حقائق خلاف خبرې دي ۔
ترجمان اووئيل چې عام انتخاباتو کښې د عملې کمي لوجې د افسرانو تعيناتي ممکن نۀ وي، ولې ضمني اليکشن کښې ډي او آر او نور افسران مقرر کيږي ۔
د اليکشن کميشن ترجمان وئيلي چې پريزائيډڼګ افسران ټول د خېبر پښتونخوا انتظاميې لخوا مقرر شوي وو،دغې انتظاميې پولنګ بيګز او نتائج آر او آفس کښې جمع کړي وو، د سيکيورټي انتظامات هم صوبائي حکومت پخپله کړي وو ۔
ترجمان زياته کړې چې هر انتخاباتو نه پس يو شان تورونه لګول انتخابي عمل متنازعه جوړولو کوشش دې ،که چا ته هم نتائج باندې اعتراض وي نو اليکشن ټريبيونل سره رجوع کولې شي ۔
