سپرم کورټ د طلاق په حواله اهم فيصله کړېده، فيصلې مطابق د مسلم فيملي لاز آرډيننس نورلس سوه يو شپيته دفعه اوو لاندې درې طلاقونو پشمول هر يو شکل کښې ورکړې شوې طلاق هغه وخت پورې موثر نشي کېدې چې تر څو پورې نوي ورځو موده نه وي پوره شوې ، عدالت فيصله کښې وئيلي که چرې خاوند کورودانې ته بلا شرط طلاق حق ورکړې وي نو کورودانې ته د طلاق واپس اخېستو حق هم مکمل ترلاسه دې ۔
اسلام آباد: د چيف جسټس يحيیٰ آفريدي په مشرۍ کښې درې کسيزه بينچ د طلاق په اړه پټيشن کيس فيصله اورولې ده، فيصلې مطابق د مسلم فيملي لاز آرډيننس دفعه اووۀ لاندې طلاق موثره کيدو لپاره نوي ورځو موده لازمي ده ۔
عدالت خپله فيصله کښې وئيلي دي که چرې خاوند کورودانې ته بغير د څه شرط طلاق حق ورکړي نو کورودانې ته طلاق واپس اخستو هم مکمل حق ترلاسه دې ۔
عدالت د سندھ هائي کورټ کال دوه زره څليريشتم د اکتوبر په اوومې نيټې ورکړې شوې فيصله برقرار ساتلې ده، عدالت وئيلي چې فريقينو کال دوه زره شپاړسم کښې وادۀ کړې او نکاح نامې شق اتلسم لاندې خاوند کورودانې ته بغير د څه شرط طلاق حق ورکړې وو ۔
کيس کښې کورودانې مريل شاه کال دوه زره درې ويشتم د جولائي په درئمه نيټه دفعه اووۀ يو لاندې نوټس جاري کړې وو خو نوي ورځې پوره کېدو نه وړاندې دغه کاروائي واپس اخستې شوې وه، چې له وروستو چيئرمين يونين د طلاق کاروائي ختم کړېده ۔
