د بجلۍ منافعې مد کښې د خېبر پښتونخوا بقاياجاتو ادائيګۍ په معامله وزيراعلیٰ خېبر پښتونخوا علي امين ګنډاپور وزيراعظم شهباز شريف ته مراسله ليږلي، مراسله کښې وئيلي شوي چې آئين مطابق د پن بجلي منافعې رقم به متعلقه صوبو ته ورکړے کيږي ۔
د مراسلې ترمخه صوبو ته ميلاويدنکے رقم تعين به مشترکه مفادات کونسل کوي،د کوم لپاره چې مشترکه مفادات کونسل په نورلس سوه يو نوي کښې قاضي کميټي ميتهاډالوجي منظوري ورکړے شوې وه ۔
مراسلې مطابق په نورلس سوه دوه نوي کښې خېبر پښتونخوا ته شپږ اربه روپے وړومبے ادائيګي هم شوې وه،په کال دوه زره شپاړسم کښې د وفاقي حکومت لخوا په دې معامله يو عبوري طريقه کار هم متعارف کړے شوے وو،د کوم د لاندې چې واپډا پنجاب او خېبر پښتونخوا ته ادائيګيانې شروع کړې وې ۔
مراسله کښې وئيلي شوي چې مالي کال دوه زره شپاړسم اوولسم دپاره سي ايم فارمولے مطابق د خېبر پښتونخوا يو سل اتۀ ويشت اربه روپو بقاياجاتو تصديق شوے،د خېبر پښتونخوا حکومت په دې اړه خپل تجاويز پلاننګ کميشن ته وړاندې کړي دي ۔
