وزيراعلیٰ علي امين ګنډا پور رياست ته خېبر پښتونخوا حکومت ختمولو چيلنج ورکړې،وئيلي دي که چرې ادارو صوبائي حکومت ختم کړؤ نو سياست به پريږدم،زمونږحکومت ختمولو اختيار صرف باني پي ټي آئي سره دې، علي امين ګنډاپور د مخصوص نشستونه فيصله د سياسي تاريخ يو بدنما داغ ګرځولې،وئيلي دي چې دا داغ په ټول رياست او ادارو لګيدلې دې ۔
اسلام آباد کښې د پي ټي آئي غړو شريکې خبري غونډې دوران علي امين ګنډا پور اووئيل چې چيلنج ورکوم چې څومره زور لګولې شي اودې لګوې خو آئيني طريقے سره خېبرپښتونخوا حکومت نشي غورځولې، چيلنج ورکوؤم که چرې زمونږ حکومت ختم کړې شو نو سياست به پريږدم ۔
علي امين ګنډاپور اووئيل چې د مخصوص نشستونو په اړه فيصله ملکي سياسي تاريخ باندې يو تور داغ دې او دا داغ د رياست په ټولو ادارو لګيدلې دې ۔
بلخوا چيئرمين تحريک انصاف بيرسټر ګوهر وئيلي چې باني پي ټي آئي هميشه د ډائيلاګ خبره کړې، مونږ چرې مذاکرات نه انکار نۀ دې کړې ۔
چيئرمين پي ټي آئي بيرسټر ګوهر اووئيل چې پارليماني اجلاس مقصد پارټۍ کښې يکجهتۍ پيغام ورکول وو، مونږ هميشه مذاکرات خبره کړې ده ۔
هغۀ اووئيل که چرې حکومت مذاکرات لپاره سنجيده وي نو زمونږ ملاقات دې باني پي ټي آئي سره اوکړې شي، چې باني ټي آئي څه فيصله اوکړه په هغې به عمل کولې شي ۔
په دې موقع خبري غونډې ته وينا کښې د پي ټي آئي خيبرپښتونخوا صدر جنيد اکبر زياتوي چې مونږ مخکښې هم يو ځائے وو او نن هم متحد يو ۔
