لاهور کښې لوبيدلې ميچ کښې افغانستان ټيم ټاس ګټلې وو او پخپله ئې د بيټنګ فيصله کړې وه، افغان ټيم مقرره اوورونو کښې 273 رنز باندې آؤټ شوې وو ۔
افغانستان طرف نه ټولو نه زيات صديق الله اتل پنځه اتيا او عظمت الله عمرزئي اووه شپيته رنز جوړ کړې وو، د مقرره هدف په تعاقب کښې آسټريليا جارحانه بيټنګ شروع کړې وو او صرف دولس اعشاريه پنځم اوورونو کښې ئې يو وکټ په زيان يوسل نهه رنز جوړ کړي وو، او خپل پوزيشن ئې مضبوط کړې وو ۔
ولې دې دوران بيا باران شروع شو او نهه بجے خواؤشا بيا ميچ بغير د ګټې او نقصان ختم کړې شو او دواړو ټيمونو ته يو ،يو پوائنټ ورکړې شو ۔
يو پوائنټ ميلاويدو سره آسټريليا د ايونټ سيمي فائنل ته رسيدلې، ولې افغانستان دغه زغل نه پاتې راغلې دې ۔
دې ميچ نه پس د چپيميئنز ټرافي ګروپ نه د سيمي فائنل ټيمونو فيصله هم شويده، ګروپ بي نه آسټريليا او جنوبي افريقه سيمي فائنل ته کواليفائي کړېده، ګروپ اے نه نيوزي لينډ او بهارت وړاندې نه سيمي فائنل کښې خپل ځائې جوړ کړيدې ۔
