ويمنز ټي ټوينټي ورلډ کپ فائنل کښې آسټريليا په اووۀ وکټو انګلينډ ته ماتې ورکړ او په اووم ځل ئې ټرافي په خپل نوم کړې ده، د انګلينډ د يوسل يو پنځوس رنز هدف آسټريليا درې وکټو په زيان اتلسم اوور کښې پورا کړې او د ايونټ کپ ئې ګټلې دې ۔
لارډز کرکټ ګراؤنډ کښې لوبيدلې ويمنز ټي ټوينټي ورلډ کپ فائنل کښې انګلينډ اول بېټنګ کړې وو او مقرره اوورز کښې ئې څلور وکټو په زيان يو سل، پنځوس رنز جوړ کړي وو ۔
انګلينډ طرف نه ټولو نه زيات کپتان نيټ برنټ ذمه دارانه بېټنګ کړې وو او اتۀ پنځوس رنز ئې جوړ کړي وو، فريا کيمپ جارحانه څلور څلويښټ رنز جوړ کړي وو او دواړې لوبغاړې ناقابل شکست پاتې شوې وې ۔
آسټريليا مقرره هدف اوولس اعشاريه يو اوور کښې درې وکټو په زيان آسانۍ سره پورا کړې او د ميګا ايونټ ټرافي ئې په اووم ځل په خپل نوم کړې ده ۔
آسټريليا لخوا بيتھ موني شاندار څلور شپيتۀ رنز او فوبي لچفيلډ په اتۀ څلويښت رنز آؤټ شوې وه، دغه شان آسټريليا فائنل ميچ کښې انګلينډ ته په اووۀ وکټو شکست ورکړې او ويمنز ټي ټوينټي ورلډ کپ ټرافي ئې په اووم ځل په خپل نوم کړې ده ۔
آسټريليا طرف نه بيتھ موني د ميچ او سيريز بهترين لوبغاړي ګرځولې شوې ده ، هغې په فائنل ميچ کښې څلور شپيتۀ او ټول سيريز کښې دوه سوه، اتۀ ديرش رنز جوړ کړي وو ۔
