ټول ملک کښې نن يوم عاشور مذهبي عقيدت او احترام سره نمانځلې کيږي ، د رسول الله (ص) نمسي حضرت امام حسين عليه السلام او کربلا نورو شهيدانو قربانو ته د عقيدت پيرزونې وړاندې کولې شي ، د لسم محرم جلوسونو او محفلونو لپاره د سيکيورټي سخت انتظامات شوي او په دې موقع بعضې حساس علاقو کښې موبائل سروس بند ساتلې شوې ۔
د ملک په ټولو لويو وړو ښارونو او قصبو کښې تعزيتي جلوسونو او مجلسونو انعقاد شوې ، د حضرت امام حسين عليه السلام د قربانو ذکر کيږي او د کربلا نورو شهيدانو قربانو ته د عقيدت پيرزونې وړاندي کولې شي ، علمائے کرام او ذاکرين د امام حسين د حريت په پيغام رڼا اچوي ۔
بلخوا د يوم عاشور په موقع ملک کښې کلک امنيتي ګامونه پورته کړے شوي ، د جلوسونو په لارو کښې غير معمولي انتظامات شوي ، په حساس علاقو کښې د څه قسمه بدې پيښې مخنيوي لپاره موبائل سروس هم بعضي حساس علاقو کښې بند ساتلي شويدې ۔
بلخوا د عاشورې په مناسبت صدر آصف علي زرداري او وزيراعظم شهباز شريف پيغامات، وائي چې لسم محرم د اسلامي تاريخ لازوال باب دې، د عاشورې ورځ د حق او باطل، د عدل او ظلم ترمينځ د ابدي جنګ ياد تازه کوي ۔
صدر مملکت خپل پيغام کښې وئيلي چې کربلا واقعه د ضمير ، کردار او د دين اصل روح امتحان وو ، حضرت امام حسين عليه السلام پيغام په اصولو قائم ولاړ او ظلم جبر ته په يو صورت کښې هم سر تسليمول نه دي پکار ۔
صدر آصف علي زرداري اووئيل چې ملک د کومو چيلنجوبو سره مخ دې د هغې لپاره د يو قام په حيث د جذبه حسيني پيدا کولو ضرورت دې ۔
وزير اعظم شهباز شريف د يوم عاشور په موقع خپل پيغام کښي وئيلي چې د حق لاره سخته وي ولې تر هميش لپاره کاميابي ترلاسه کيږي ۔
د وزيراعظم شهبازشريف وينا وه که چرې مونږ د کربلا په رڼا کښې خپله لاره اوټاکو نو پاکستان فلاحي او خوددار رياست جوړيديشي ۔
وزير اعظم زياته کړي چې قامي ژوند کښي ديانت ، برداشت ،صبر او قربانۍ ته به ځائې ورکول وي ، او دا چې دا د فلاح او کاميابۍ لاره ده ۔
