وفاقي داخله وزیر محسن نقوي دعویٰ کړې چې د خېبر پښتونخوا حکومت د تحریري معاهدې لاسلیک او په دوه اوویا ګهنټو کښې دننه لوظنامې باندې عملدرآمد کولو لپاره راضي شوی وو، خو د مذاکراتو په آخري وخت کښې خېبر پښتونخوا حکومت له خپلې ژبې نه په شا شوې دې ۔
د سماجي رابطو په ويب پاڼه خپل بيان کښې وفاقي وزير داخله محسن نقوي اووئيل چې د خېبر پښتونخوا حکومت د امنیتي صورتحال په نظر کښې ساتلو سره د پولیس ایکټ دوه زره شپږ ویشتم د بیا کتنې، د ترهه ګرو ډلو خلاف د واضحه مؤقف، د افغان کډوالو په اړه د قومي پالیسۍ ملاتړ او په صوبه کښې د افغان کېمپونو ختمولو باندې اتفاق کړې وو ۔
داخله وزير زياته کړې وه چې هدف دا وو چې ترهه ګر په صوبه کښې آزادانه کاروائۍ نۀ شي کولې او محفوظ پټ ځایونه پیدا نه کړي ۔
محسن نقوي د ټي ټي پي، ټي ټي اے او نورو ټولو ترهه ګرو ډلو په واضحه توګه غندنه او د افغان کډوالو د واپسۍ پشمول د قومي پالیسۍ ملاتړ کول هم د اتفاق برخه وه ۔
محسن نقوي زياته کړې چې په خېبر پښتونخوا کښې د افغان کېمپونو ختمول هم په دې معاملې کښې شامل وو، ولي پي ټي آئي د مذاکراتو په آخري وخت کښې د تحريري لوظنامې نه انکار کړې وو ۔
