جماعت اسلامي په ديارلسم ربيع الاول په ټول ملک کښې د شټر ډاؤن هړتال او اسلام آباد په لورې د لانګ مارچ کولو اعلان کړې، امير جماعت اسلامي حافظ نعيم الرحمان وئيلي چې پټروليم مصنوعاتو نرخ او ليوي خلاف زمونږ دهرنا د ملک مختلفو ښارونو کښې دوام لري، دا تحريک به منطقي انجام ته رسولې شي، جماعت اسلامي د چا ګرينډ اپوزيشن اتحاد برخه نۀ جوړيږي ۔
لاهور کښې سينئر خبريالانو سره ملاقات دوران د جماعت اسلامي امير حافظ نعيم الرحمان اووئيل جماعت اسلامي د چا ګرينډ اپوزيشن اتحاد برخه نۃ جوړيږي، تير وختونو کښې داسې سياسي اتحادونو سره جماعت اسلامي ته فائدې په ځائې نقصان رسېدلې دۀ ۔
هغه اووئيل چې جماعت اسلامي به نظام کښې تبديلۍ لپاره په خپلو اوږو باندې د سياسي فورم د لارې د عوام مقدمه جنګوي، دا ممکن نۀ ده چې لاهور،کراچۍ او پيښور کښې دهرنې وي او اسلام آباد کښې په بند کمرو کښې مذاکرات جاري وي ۔
امير جماعت اسلامي اعلان اوکړو چې په ديارلسم ربيع الاول به ټول ملک کښې شټر ډؤن هړتال کولې شي، او د دې وروستو به پيا جام او شټر ډؤن مرحلې نه پس د اسلام آباد په لورې فيصله کن مارچ کولې شي ۔
