د بنو په برغنتو علاقه کښې پرله پسې دوه بمي چاودنو کښې اووۀ کسان شهيدان او درې ژوبل شوي دي، ډي پي او ياسر آفريدي بيان ترمخه وړومبي چاودنه د سورلو يو ډاټسن سره نيزدې شوې،د چاودنې وروستو د امدادي کارروائيو دوران دوئمه چاودنه هم شوې ،ډاټسن سره ناست کسانو تعلق د هاتهي خيل قام سره وو،پوليس د پيښې تحقيقات شروع کړيدي ۔
بنو: د ډي پي او ياسر آفریدي وينا تر مخه بنو احمد زئې تھانړې حدود برغنتو سيمه کښې وړمبۍ چاودنه د سورلو په ګاډي شوې ده ۔
ډې پي او وينا مطابق د چاودنې فوري پس امدادي هلو ځلو دوران بله چاودنه هم شوې ده، دواړو چاودنو کښې اووۀ کسان مړۀ او دري سخت ژوبل شوي دي ۔
چاودنو دوران شهيد شوي کسان آر ایچ سي ډوميل او ژوبل کسان خليفه ګلنواز هسپتال ته منتقل کړې شوي دي ۔
د مقامي سرچينو مطابق ګاډي کښې د هاتهي خيل قام کسان سوارۀ وو ، او دوي سيمه کښې شرخوښو خلاف امن کميټي هم جوړه کړې ده ۔
پوليس چارواکو مخکښې وئيلي چې د پيښي وروستو امنيتي اهلکارانو سيمه خپله ولقه کښې اخستې او پلټنې ئې پيل کړي دي ۔
بلخوا صدر آصف علي زرداري،وزيراعظم شهباز شريف،د خېبر پښتونخوا ګورنر فيصل کريم کنډي او وزيراعلیٰ سهيل آفريدي بنو چاودنو مذمت کړې او د قيمتي ځانونو په نقصان ئې د افسوس اظهار کړېدې ۔
خپل بيانونو کښې صدر او وزيراعظم وئيلي دي چې ترهه ګر په نړي واله سطح د پاکستان سفارتي کاميابو او امن بحالۍ لپاره روان کوششونه متاثره کول غواړي خو ترهه ګرو له به هر حال کښې شکست ورکوؤ ۔
