د چارسدې په اتمانزئۍ سيمه کښې نامتو عالمِ دين شيخ الحديث مولانا محمد ادريس د نامعلومه کسانو په ډزو کښې شهيد شويدې، پوليس وئيلي چې نامعلومه وسله لخوا مولانا ادريس په خپل ګاډي کښې په نښه کړې شوې دې، ډزو کښې مولانا ادريس په موقع پحق رسيدلې دې ۔
چارسده: پوليس وئيلي چې نامعلومه وسله والو مولانا ادريس هاغه وخت په نښۀ کړې چې کله هغه د دوره حديث درس نه پس دارالعلوم اتمانزئۍ نه روان شوې وو، دې دوران نامعلومه وسله د هغه په ګاډي ناترڅه ډزې کړيدي ۔
پوليس ترمخه د نامعلومه کسانو په ډزو کښې مولانا ادريس په موقع پحق رسيدلې دې، د هغۀ مړې د چارسدې ډي ايچ کيو هسپتال ته منتقل کړې شو چرته چې ګڼ شمير خلق راغلي وو ۔
پوليس مخکښې وئيلي چې د نامعلومه کسانو په ډزو کښې د مولانا ادريس دوه ګن مين هم ژوبل شويدي، د پيښې پس د پوليس لوئې نفرۍ سيمه ولقه کښې اخستې وه او نوري پلټنې ئې هم شروع کړېدي ۔
بلخوا آئي جي خېبر پښتونخوا ذوالفقار حميد په مولانا ادريس صيب شوې حملې نوټس اخستې او آر پي او مردان نه ئې په فوري توګه رپورټ غوښتې دې ۔
آئي جي هدايت جاري کړي چې ملزمان دې زر ترزره اونيولې شي،بلخوا سي ټي ډي او ضلعي پوليس په شريکه دې لړ کښې ټيمونه هم جوړ کړي او د کيمرو د لارې ئې د حمله آورو تصويران هم حاصل کړيدي ۔
دې ترڅنګ صدر مملکت آصف علي زرداري ، وزير اعظم شهباز شريف، ګورنر خيبر پښتونخوا فيصل کريم کنډي، د جے يو آئي امير مولانا فضل الرحمان د مولانا ادريس په قتل سخت افسوس څرګند کړې دې ۔
سياسي مشرانو د شهيد د کورنۍ سره ئې غمرزاي کړي او د ژوبل پوليس اهلکارو د صحتيابي لپاره ئې دعا هم کړې ده ۔
