د پي ايس ايل یوولسم ايډيشن په دوه ديرشم ميچ کښې پيښور زلمي يو بل ميچ ګټلې او کراچي کنګز ته ئې په اووۀ وکټو شکست ورکړيدې، د کراچي يو سل درې اتيا رنز هدف پيښور د درې وکټو په زيان پورا کړي او جاري ايونټ کښې ئې مسلسل اتم ميچ ګټلې دې، شاندار بېټنګ باندې د پيښور کوسال مينډس د ميچ بهترين لوبغاړې ګرځولي شويدې ۔
لاهور کښې لوبيدلې د پي ايس ايل دوه ديرشم ميچ کښې کراچي کنګز ټاس ګټلې وو او په خپله ئې اول د بيټنګ فيصله کړې وه، کراچۍ مقرره اوورز کښې نهه وکټو په زيان يو سل دوه اتيا رنز جوړ کړي وو ۔
کراچکي طرف نه ټولو نه زيات جيسن روئے درې اتيا او اعظم خان پنځه ديرش رنز جوړ کړي وو، پيښور لخوا علي رضا شاندار بولنګ کړې، او هېټ ټرک کولو سره ئې څلور وکټې په خپل نوم کړي دي ۔
د کراچۍ د يو سل، درې اتيا رنز هدف پيښور زلمي درې وکټو په زيان نورلسم اوور کښې پورا کړې، کوسال مينډس شاندار اتيا او فرحان يوسف درې پنځوس رنز سره ناټ آؤټ پاتې شويدي، کپتان بابراعظم پنځه ويشت او جيمز وينس شپاړس رنز جوړ کړي وو ۔
کراچۍ طرف نه خوشدل شاه، حسن علي او عباس آفريدي يو، يو وکټ په خپل نوم کړې وه، شاندار بېټنګ باندې کوسال مينډس د ميچ غوره لوبغاړې ګرځولې شويدې ۔
