د پاکستان سُپرليګ يوولسم ايډيشن خوندور او سنسني خيز ميچونه جاري، د ايونټ ديرشم ميچ کښې لاهور قلندرز په نهه رنزکوئټه ګليډې ايټرز ته شکست ورکړې،د يو سل اتۀ نوي رنز هدف تعاقب کښې د کوئټه ټيم په اووۀ وکټو يوسل، اتۀ اتيا رنز جوړ کړي او ميچ ئې بيللې دې، شاندار يوسل درې رنز جوړولو باندې د لاهور فخر زمان د ميچ بهترين لوبغاړې ګرځولې شويدې ۔
د لاهور قذافي سټيډيم کښې لوبيدلې د پي ايس ايل ديرشم ميچ کښې لاهور قلندرز ټس ګټلې وو او پخپله ئې د بيټڼګ فيصله کړې وه ۔
لاهور قلندرز مقرره اوورز کښې شپږ وکټو په زيان يو سل، اووۀ نوي رنز جوړ کړي وو، چې پکښې ټولو نه زيات اوپنر بېټر فخر زمان شاندار يو سل ، درې رنز باندې آؤټ شوې وو ۔
کوئټه طرف نه خليل احمد درې، ابراراحمد او عثمان طارق يو، يو وکټ په خپل نوم کړې وه ۔
د مقرره هدف په تعاقب کښې کوئټه ګليډي ايټرز اووۀ وکټو په زيان يوسل، اتۀ اتيا رنز جوړ کړي او په نهه رنز ئې ميچ بيللې دې ۔
کوئټه طرف نه ټولو نه زيات ريلي روسو دوه شپيتۀ او شمائل حسين دري پنځوس رنز جوړ کړي وو، د لاهور حارث رؤف دوه ، شاهين شاه آفريدي، عبيد شاه، سکندر رضا او اسامه مير يو، يو وکټ اخستې دي ۔
شاندار يوسل درې رنز جوړو باندې د لاهور قلندرز فخر زمان د ميچ بهترين لوبغاړې ګرځولې شويدې ۔
