پاکستان سُپر ليګ يوولسم ايډيشن کښې د پېښور زلمي د کاميابۍ سلسله جاري، د ايونټ نهه ويشتم ميچ کښې ئې کوئټه ګليډي ايټرز ته په يو سل، اتلس رنز شکست ورکړيدې، د پيښور د دوه سوه، پنځه پنځوس رنز هدف په تعاقب کښې د کوئټه ټول ټيم نورلسم اوور کښې يو سل ، اووۀ ديرش رنز باندې آؤټ شوې او ميچ ئې بيللې دې، شاندار سنچري سکور کولو باندې د زلمي کپتان بابراعظم د ميچ بهترين لوبغاړې ګرځولې شويدې ۔
کراچۍ کښې لوبيدلې د پي ايس ايل نهه ويشتم ميچ کښې کوئټه ګليډي ايټرز ټاس ګټلې وو او پيښور زلمي ته ئې د بېټنګ کولو بلنه ورکړېده ۔
پيښور زلمي مقرره اوورز کښې درې وکټو په زيان دوه سوه، پنځه پنځوس رنز جوړ کړي، چې پکښې کپتان بابراعظم شاندار سل رنز باندې ناټ آؤټ پاتې شويدې ۔
کوسال مينډس دري اتيا او فرحان يوسف نورلس رنز جوړ کړېدي ، کوئټه طرف نه ابراراحمد او عثمان طارق يو، يو وکټ اخستې وه ۔
د مقرره هدف په تعاقب کښې د کوئټه ټول ټيم نورلسم اوور کښې يو سل ، اووۀ ديرش رنز باندې آؤټ شوې او ميچ ئې په يو سل، اتلس رنز بيللې دې ۔
کوئټه ګليډي ايټرز لخوا ټولو نه زيات بيون جيکبز څلور ديرش او شمائل حسين يويشت رنز جوړ کړي وو ، د پيښور محمد باسط او علي رضا درې، درې وکټې په خپل نوم کړې وې ۔
شاندار يوسل رنز جوړولو باندې د پېښور زلمي کپتان بابراعظم د ميچ بهترين لوبغاړې ګرځولې شويدې ۔
جاري ايونټ کښې اوسه پورې پيښور زلمي ناقابل شکست دې، اتۀ ميچونه ئې لوبولي، اووۀ ئې ګټلي او يو باران لوجې بے نتيجې ختم شوې، تردې دمه پنځلس پوائنټس سره زلمي پوائنټس ټېبل باندې په ټاپ پوزيشن دې ۔
دې نه وړاندې لوبيدلې د ايونټ اتۀ ويشتم ميچ کښې ملتان سلطانز په يوولس رنز کراچي کنګز ته شکست ورکړې دې، ملتان اول بېټنګ کړې وو او ګټې لپاره ئې کراچۍ ته د دوه سوه، اتۀ رنز هدف ورکړې وو ۔
د مقرره هدف په تعاقب کښې د کراچي کنګز ټول ټيم آخري اوور کښې يو سل، شپږ نوي رنز باندې آؤټ شوې، او ميچ ئې بيللې دې ۔
