بنګله ديش دريم ون ډے ميچ کښې پاکستان ته په يوولس رنز شکست ورکړې او د درې ميچونو سيريز ئې دوه ، يو سر په خپل نوم کړېدې، د بنګله ديش دوه سوه ، يو نوي رنز هدف جواب کښې قامي ټيم مقرره اوورز کښې دوه سوه ، نهه اوويا رنز جوړ کړي او ميچ ئې بيللې دې ۔
ډهاکه کرکټ سټيډيم کښې لوبيدلې دريم او آخري ون ډے ميچ کښې بنګله ديش اول بيټنګ کړې وو او پاکستان ته ئې ميچ ګټې لپاره د دوه سوه، يو نوي رنز هدف ورکړې وو ۔
بنګله ديش طرف نه تنزيد حسن شاندار يوسل، اووۀ رنز باندې آؤټ شوې وو، توحيد اتۀ څلويښت، ليتن داس يو څلويښت او سيف حسن شپږ ديرش رنز جوړ کړي وو ۔
پاکستان طرف نه حارث رؤف درې، شاهين شاه آفريدي او ابرار احمد يو، يو وکټ په خپل نوم کړې وه ۔
د مقرره هدف په جواب کښې قامي ټيم مقرره اوورز کښې نهه وکټو په زيان دوه سوه، نهه اوويا رنز جوړ کړي او په يوولس رنز ئې ميچ بيللې، چې ورسره بنګله ديش د درې ميچونو سيريز هم دوه ، يو سره په خپل نوم کړيدې ۔
پاکستان طرف نه سلمان علي آغا شاندار يو سل شپږ، سعاد مسعود اتۀ ديرش، شاهين شاه آفريدي اووۀ ديرش، عبدالصمد څلور ديرش، غازي غوري نهه ويشت، صاحبزاده فرحان، معاذ صداقت شپږ، شپږ، محمد رضوان څلور او فهيم اشرف نهه رنز باندې آؤټ شوي وو ۔
د سيريز اولنې ميچ بنګله ديش په اتۀ وکټو ګټلې وو، دويم ميچ کښې پاکستان په يو سل اتۀ ويشت رنز کاميابي حاصل کړې وه ۔
شاندار سنچري سکورکولو باندې د بنګله ديش تنزيد حسين د ميچ او درې واړو ميچونو کښې اتۀ وکټې اخستو باندې ناهيد رانا د سيريز بهترين لوبغاړي ګرځولي شويدي ۔
