دوئم ون ډے ميچ کښې پاکستان په يو سل اتۀ ويشت رنز بنګله ديش ته شکست ورکړې او درې ميچونو سيريز ئې يو، يو سره برابر کړيدې، باران نه متاثره ميچ کښې ګټې لپاره بنګله ديش ته دوه ديرش اوورز کښې د دوه سوه، دري څلويښت رنز هدف ميلاؤ شوې وو ، د کوم جواب کښې چې ټول کوربه ټيم يوسل، څوارلس رنز باندې آؤټ شويدې ،شاندار آل راؤنډ کارکردګۍ باندې د پاکستان معاذ صداقت د ميچ بهترين لوبغاړې ګرځولې شويدې ۔
ډهاکه کښې لوبيدلې د ون ډے سيريز دوئم ميچ کښې پاکستان اول بيټنګ کړې وو او ټول ټيم دوه سوه، څلور اوويا رنز باندې آؤټ شوې وو ۔
پاکستان طرف نه ټول نه زيات معاذ صداقت جارحانه پنځه اوويا او سلمان علي آغا څلور ديرش رنز جوړ کړي وو، صاحبزاده فرحان يو ديرش، شمائل حسين شپږ، محمد رضوان څلور څلويښت، حسين طلعت نهه، عبدالصمد يوولس او فهيم اشرف څوارلس رنز باندې آؤټ شوي وو ۔
بنګله ديش لخوا راشد حسين درې او مهدي حسن مرزا دوه وکټې اخستې وې، بنګله ديش اننګز شروع کيدو سره باران شروع شوې وو او بيا بنګله ديش ته د ډي ايل ايس لاندې دوه ديرش اوورز کښې د دوه سوه، دري څلويښت رنز هدف ميلاؤ شوې وو ۔
د مقرره هدف په تعاقب کښې د بنګله ديش ټول ټيم څليريشتم اوور کښې يو سل، څوالرس رنز باندې آؤټ شوې او په يوسل،اتۀ ويشت ترې پاکستان ميچ ګټلې ۔
بنګله ديش طرف نه ټولو نه زيات ليتن داس يو څلويښت رنز جوړ کړي وو، د پاکستان معاذ او حارث رؤف درې، درې، شاهين آفريدي دوه، محمد وسيم او فهيم اشرف يو، يو وکټ اخستې وې، شاندار پنځه اوويا رنز او درې وکټې اخستو باندې معاذ صداقت د ميچ بهترين لوبغاړې ګرځولې شويدې ۔
ميچ ګټلو سره دواړو ټيمونو ترمينځ د درې ميچونو سيريز يو، يو سره برابر شويدې، دريم او فيصؒه کن ميچ به اتوار په ورځ لوبيږي ۔
