بهارت مسلسل په دوئم ځل ټي ټوينټي ورلډ کپ ټرافي ګټلي ده، فائنل ميچ کښې ئې نيوزي لينډ ته په شپږ نوي رنز شکست ورکړيدې، د بهارت د دوه سوه، شپږ پنځوس رنز هدف جواب کښې د نيوزي لينډ ټول ټيم نورلس اوورز کښې يو سل نهه پنځوس رنز باندې آؤټ شوې او ټرافي ګټلو کښې ناکامه شويدې ،بهارت طرف نه جسپرټ بومرا شاندار بولنګ کړې او څلور وکټې ئې په خپل نوم کړېدي ۔
د بهارت په احمد آباد سټيډيم کښې لوبيدلې د ټي ټوينټي ورلډ کپ فائنل ميچ کښې نيوزي لينډ ټاس ګټلې وو او پخپله ئې اول د فيلډنګ فيصله کړې وه ۔
بهارت مقرره شل اوورز کښې پنځه وکټو په زيان دوه سوه ، پنځه پنځوس رنز جوړ کړي، چې پکښي ټولو نه زيات سنجو سيمسن جارحانه نهه اتيا رنز باندې آؤټ شويدې ۔
ايشان کِشن څلور پنځوس، ابهشک شرما دوه پنځوس او شيوام دوبے جارحانه شپږ ويشت رنز جوړ کړي دي ۔
نيوزي لينډ طرف نه جيمز نيشن درې وکټې په خپل نوم کړېدي ، د مقرره هدف په تعاقب کښې د نيوزي لينډ ټول ټيم نورلس اوورز کښې په يو سل، نهه پنځوس رنز آؤټ شوې او په شپږ نوي رنز ئې ميچ بيللې دې ۔
نيوزي لينډ طرف نه ټولو نه زيات ټِم سيفرټ دوه پنځوس، مچل سينټنر دري څلويښت او ډېرل مچل اوولس رنز جوړ کړي وو ۔
بهارت طرف نه جسپرټ بومرا څلور او ايکسر پټيل درې وکټې په خپل نوم کړې وې، جسپرټ بومرا د فائنل ميچ او سنجو سيمسن د ټورنامنټ بهترين لوبغاړي ګرځولي شويدي ۔
بهارت مسلسل په دوئم ځل او په مجموعي توګه په دريم ځل ټي ټوينټي ورلډ کپ ټرافي په خپل نوم کړې ، چې ورسره د نړيوال کرکټ اولنې ټيم جوړ شوې چې درې ځله ئې ټي ټوينټي ورلډ کپ ګټلې دې ۔
