د لکي مروت منجیوالا چوک کښې دکان دننه زورور چاودنه شوې، چاودنه کښې دوه کسان پحق رسيدلي او اتۀ نور سخت ژوبل شوي،پوليس چارواکو وئيلي چې چاودنه د اد پوليس امن کميټۍ مشر خالد خان د ورور د بيټرو دکان کښې شويده ۔
د لکي مروت منجیوالا چوک کښې د پولیس امن کمېټۍ مشر خالد خان د ورور شعیب خان د بیټریو په دکان کښې زوروره چاودنه شوې ده ۔
د لکي مروت پوليس چارواکو وينا مطابق د چاودنې له امله شعیب خان په ګډون دوه کسان پحق رسيدلي او اتۀ نور کسان سخت ژوبل شويدي ۔
پولیس وئيلي دي چې د چاودنې وروسته ژوبل شوي او پحق رسيدلي کسان سمدستي سرائے نورنګ هسپتال ته منتقل کړې شوي، د هسپتال ايم ايس مطابق ژوبل شوي کسانو کښې د دوه کسانو حالت نازک دې ۔
ابتدائي معلوماتو مطابق د دهماکې نوعيت له نه دې معلوم، پولیس او بم ډسپوزل سکواډ پلټنې پیل کړي چې آیا چاودنه د آئي ای ډي ده او که د کواډ کاپټر حمله شویده. له پېښې ورستو پوليس لويه نفري سیمه په ولقه کښې اخستې او د لټون عملیات ئې پیل کړيدي ۔
بلخوا وزيراعلیٰ سهيل آفريدي د چاودنې مذمت کړې او نوټس ئې هم اخستې دې، سهيل آفريدي ژوبل کسانو ته د بهترين طبي امداد ورکولو هدايت هم کړې،او آئي جي پوليس نه ئې رپورټ طلب کړېدې ۔
