پاکستان او قازقستان دوه اړخيزه تجارت يو ارب ډالر پورې سيوا کوؤلو ژمنه کړې، د دوانړه هيوادونو ترمينځ پټروليم، کان کني، مصنوعي ذهانت، کسټم او ريلوے بشمول مختلف نورو شعبو کښې تعاؤن زياتولو لپاره په اووه ديرش مفاهمتي ياداشتونو لاس ليک شوې ۔
اسلام آباد: وزيراعظم هاؤس اسلام آباد کښې د پاکستان او قازقستان ترمينځ مختلف شعبو کښې تعاؤن سيوا کوؤلو په غرض د ايم او يوز لاس ليک دستوره شويده ۔
دستورې ته وينا کښې وزيراعظم شهبازشريف وئيلي دي چې د قازقستان صدر قاسم جومارت توکايوف سره ئې تعميري او مثبت خبرې شوي، د غزه مستقل امن او خوشحالې لپاره پاکستان او قازقستان د غزه بورډ آف پيس ممبران دي ۔
وزيراعظم وئيلي دي چې قازقستان سره به دوه اړخيزه تجارت او توانائې بشمول مختلف شعبو کښې تعاؤن له سيوا کوؤلې شي ۔
د قازقستان صدر قاسم جومارت توکايوف په شاندار هرکلي او استقبال د حکومت پاکستان شکريه ادا کړې او وئيلي دي چې په خطه کښې د امن لپاره د پاکستان کوششونه د ستائنې وړ دي، دفاع شعبه کښې د پاکستان ترقي په عالمي کچ منلې شويده، د پاکستان سره به دوطرفه تجارتي حجم يو ارب ډالر ته سيوا کوؤلې شي ۔
ددې وړاندې د قازقستان صدر قاسم جومارت توکايوف وزيراعظم هاؤس کښې دروند هرکلې شوې، او ورته ګارډ آف آنر وړاندې کړې شوې وو ۔
په دې موقع وزيراعظم شهبازشريف د قازقستان صدر د کابينې ممبرانو سره معارفي کړو، د دې وروستو د ګران ميلما د وزيراعظم هاؤس په احاطه کښې بوټې هم نال کړېدې ۔
