وفاقي تجارت وزارت د انساني همدردۍ په بنيادونو طورخم او چمن تجارتي لارې خلاصولو فيصله کړې، يونيسيف، ورلډ فوډ پروګرام او يونائيټډ نيشن پاپوليشن فنډ کنټينرز به مرحله وار کليئرنس کولې شي، وړومبۍ مرحله کښې به خوراکي سامان او دوئمه مرحلې کښې به دوائيانې او طبي آلات وړونکې کنټينرز ته کليئرنس ورکولې شي، افغانستان سره تاؤ تريخوالې لوجې تجارتي لارې هر قسمه تګ راتګ لپاره بندې دي ۔
اسلام آباد: وفاقي تجارت وزارت د طورخم او چمن بارډر خلاصولو فيصله کړېده، دغه اقدام ئې د تجارتي لارې بنديدو په نتيجه کښې افغانستان کښې خوراکي څيزونو او ادوياتو قلت لوجې پورته کړېدې، ځکه چې د افغانانو ضروريات پورا کړې شي ۔
تجارت وزارت ايف بي آر اسلام آباد او ډائريکټر ټرانزټ ټريډ کراچي ايف بي آر ته خط ليکلې دې، چې پکښې خواست شوې دې چې انساني همدردۍ په بنياد دې د اقوام متحده افغانستان لپاره راليږلې کارګو آمدورفت کښې سهولت فراهم کړې شي ۔
وړومبۍ مرحله کښې به افغانستان ته خوراکي څيزونو وړونکو او دوئمه مرحلي کښې به دوائيانې او طبي آلات وړونکو کنټينرز ته کليئرنس ورکولې شي، په دريمه مرحله کښې به نور ضروري څيزونو کنټينرز کليئر کولې شي ۔
واضحه دې وي چې افغانستان سره تاؤ تريخوالې لوجې دولسم اکتوبر نه ټولې پاک افغان تجارتي لارې هر قسمه تګ راتګ لپاره بند دي ۔
