د خېبر نيوزخېبرپښتونخوا نمائندګانو اهمه غونډه هيډ آفس اسلام آباد کښې شوې، چې پکښې د خيبر نيوز نمائندګانو ګډون کړېدې ، په دې موقع د خېبر نيوز مشرانو د نمائندګانو د سوالونو جوابونه ورکړي ، په کومو چې نمائندګانو د اطمينان اظهار کړيدې ،د غونډې مقصد د ترهه ګرۍ پيښو او قدرتي آفتونو دوران مثبت رپورټنګ کول او د صوبې د خلقو مسائل په ګوته کول وو ۔
اسلام آباد: د خېبر نيټ ورک ايګزيکيټو ډائريکټر کيوان حامد راجه او د خيبر نيوز چيف ايډيټر ايډيټر مبارک علي په مشرۍ کښې د خېبر نيوز د ټولو نمائندګانو اهمه غونډه شوې ۔
د دې مهمې غونډې په موقع د خېبر نيوز مارننګ او اويوننګ شفټ مشران فياض احمد او عطاالله خان ،اسلام آباد کښې د خېبرنيوز خصوصي رپورټر اشفاق بنګش، د خېبر ډيجيټل ډيپارټمنټ مشران هم موجود وو ۔
غونډه کښې د خېبر نيوز مشرانو په نمائندګانو زور راوړې چې خيبر پښتونخوا کښې د ترهه ګرۍ پيښو او قدرتي آفتونو دوران دې مثبت رپورټنګ جاري ساتي ۔
د خېبر نيوز مشرانو نمائندګانو ته دا هم وئيلي چې دوي دې صوبه کښې اولسي مسائل باندې خپله توجه ساتي، چې د پښتنو يواځنې نمائنده چينل خېبر نيوز په شيشه د خېبر پښتونخوا خلقو لوئې وړې مسئلې حکومت او انتظاميې ته اورسي ۔
د خېبر نيوز نمائندګانو د غونډې انعقاد باندې د مشرانو شکريه ادا کړې او وئيلي دي چې دوي به د مشرانو د هداياتو مطابق د صوبې د خلقو مسئلو باندې بهرپور توجه ورکوي ۔
د خيبر نيوز نمائندګانو کښې د مردان نمائنده محمد عارف،د کاټلنګ امان الله حبيب، د رستم عزير نعماني،د صوابۍ عظمت خان، د چارسدې شير علي،د نوښار فرحت الله، د شانګلې سهيل خان، د کرک ابرار خټک، دسوات عدنان باچه او خان اکبر، ،د مومند ګل محمد، د هنګو فضل کريم، محمد اسماعيل، د بره دير محمد ادريس او عمر خالق دراني، د کوز دير محمد اسرار، د بټګرام نادر خان، د ډي آئي خان نصير اعظم، د ضلع خېبر فاروق آفريدي، د باجوړ زاهد جان، د مومند اورنګزيب بابر او د دغه نمائندګانو بعضې کيمره مينان هم شامل وو ۔
