سيکيورټي فورسز شمالي وزيرستان کښې د افغانستان طرف نه ترهه ګر پاکستان ته د داخليدو کوشش ناکامه کړې او ديرش شرخوښي ئې وژلي دي ،آئي ايس پي آر ترمخه حسن خيل علاقه کښې ترهه ګرو دراندازۍ کوشش کولو، د سيکيورټي فورسز فوري کاروائۍ دوران ټول ترهه ګر وژلي شوي، وژلي شوي ترهه ګرو قبضې نه وسله او چاوديدونکي مواد هم ترلاسه شويدي ۔
د پاک فوج اطلاعاتو شعبې آئي ايس پي آر له لوري جاري بيان کښې وئيلي شوي چې ټول ديرش ترهه ګر په منظمه او په وخت کاروائۍ کښې وژلي شويدي ، د پاکستان امنيتي ځواکونو کاروائۍ لوجې ملک د ممکنه لوئې پيښې او لوئي تباهي نه بچ شوېدې ۔
د آۍي ايس پي آر بيان کښې وئيلي شوي چې د ترهه ګرو ډلې ته د بهارت مکمل مرسته ترلاسه وه ، افغانستان پولې نه د دراندازي کوشش کولو ، ترهه ګرو نه په لوئې مقدار کښي وسله ، ګوله بارود او چاوديدونکي مواد هم برآمد شويدي ۔
آئي ايس پي آر زياته کړې چي د پاکستان سيکيورټي فورسز ملکي سرحدونو دفاع او بهارتي حمايت يافته ترهه ګري مکمل ختمولو عزم لري ۔
آئي ايس پي آر دا هم وئيلي چې دې لړ کښې د افغان حکومت نه غوښتنه شوې چې خپله خاوره دې د ترهه ګرۍ او غير ملکي پراکسيز استعماليدو مخنيوي لپاره ګامونه پورته کړي ، داسې عناصرو خلاف دې کاروائي اوکړي څوک چې پاکستان کښې ترهه ګرۍ ته هوا ورکوي ۔
