چيف جسټس يحيې آفريدي مشرۍ کښې د سپريم کورټ درې کسيزه بينچ د نهمې مئي پيښو مقدماتو کښې د ضمانت معطلې درخواستونو سماعت کړېدې ۔
پۀ دې موقع د ملزم وکيل عدالت ته وئيلي دي چې څلور مياشتو کښې سماعت ممکن کيدې نشي، زمونږ خلاف پنځه ديرش مقدمات دي، په دومره کم وخت کښې به دا مقدمات څنګه سر ته رسي ۔
چيف جسټس يحيې آفريدي جواب ورکړې چې مشال خان کيس ټرائل پۀ درې مياشتو کښې مکمل شوې وؤ، زۀ په هاغه وخت کښې د پيښور هائيکورټ چيف جسټس ووم، انسداد ترهه ګرۍ عدالت که اوغواړي نو دې کيس کښې بهترين کردار ادا کوؤلې شي ۔
ياده دې وي چې نهمې مئي واقعاتو کيسونو کښې ضمانت خلاف پنجاب حکومت درخواست ورکړې وؤ، عدالت ټرائل کورټ ته درې مياشتو کښې دا کيس مکمل کوؤلو حکم کړې دې ۔
