دبئي کښې لوبيدلې د چيمپيئنز ټرافي دولسم ميچ کښې نيوزي لينډ ټاس ګټلې وو او بهارت ته ئې د بيټنګ دعوت ورکړې وو ۔
بهارتي ټيم مقرره اوورونو کښې نهه وکټو په زيان دوه سوه نهه څلويښت رنز جوړ کړې وو ،چې پکښې ټولو نه زيات شيرياس ليئر نهه اوويا او ايکسر پټيل دوه څلويښت رنز باندې آؤټ شوي وو ،نيوزي لينډ طرف نه ميټ هينري پنځه وکټې په خپل نوم کړې وې ۔
د مقرره هدف په تعاقب کښې د نيوزي لينډ ټول ټيم شپږ څلويښتم اوور کښې آؤټ شوې او په څلور څلويښت رنز ئې ميچ بيللې دې
نيوزي لينډ طرف نه ټولو نه زيات کين ويليم سن يو اتيا رنز جوړ کړي، د بهارت واران پنځه وکټې په خپل نوم کړي، او د ميچ بهترين لوبغاړې ګرځولې شويدې ۔
دې ميچ نه پس چيمپيئنز ټرافي آخري مرحله کښې داخل شوې او د سيمي فائنل ټيمونو فيصله شويده ،ګروپ اے نه نيوزي لينډ او بهارت ، او ګروپ بي نه جنوبي افريقه او آسټريليا سيمي فائنل رسيدلي دي ۔
اولنې سيمي فائنل به په څلورم مارچ دبئي کښې د آسټريليا او بهارت ترمينځ لوبيږي،دغه شان دوئم سيمي فائنل کښې به په پنځم مارچ لاهور کښې د جنوبي افريقې او نيوزي لينډ مقابله وي ۔
د ميګا ايونټ فائنل ميچ به په نهم مارچ اتوار په ورځ لوبيږي، فائنل به کوم ګراؤنډ باندې لوبيږي دا فيصله به د سيمي فائنل ميچونو نه پس کيږي ۔
