افغانستان کښې بارانونو ، سيلاب او ږلۍ تباهي خوره کړې ، افغان ډيزاسټر محکمې چارواکو تصديق کړے چې دوه ولايتونو کښي مختلف پيښو دوران نهه ويشت کسان پحق رسيدلي دي ۔
د ډيزاسټر محکمې چارواکو مطابق مغربي ولايت فراه کښې د ږلۍ وريدو له امله يويشت کسان پحق رسيدلي او شپږ ژوبل دي ۔
دغه چارواکو مخکښې وئيلي چې قندهار ولايت کښې هم د تيز باران لوجي ځاني زيان شوې او اته کسان پحق رسيدلي دي ۔
افغانستان د موسمياتي بدلون په لحاظ په نړۍ کښې په شپږم نمبر د ټولو نه زيات متاثره ګرځولې شويدې ، متحده قامونو کال دوه زره دري ویشت کښې خپل رپورټ کښي وئيلي وو چې افغانستان د سيلاب ، وچکالۍ ، د زمکې تباهي او زرعي پيداوار کميدو د سختو خطرو سره مخ دے ۔
تير کال هم افغانستان د سختو سيلابونو نه متاثره شوے وو او په سلګونو خلقو ژوند د لاسه ورکړے وو ۔
