لاهور: د سه فريقې ون ډے سيريز په دوئم ميچ کښې نيوزي لينډ په شپږ وکټو جنوبي افريقې ته شکست ورکړې،چې ورسره نيوزي لينډ د سيريز فائنل ته کواليفائي هم کړېده ۔
د لاهور قذافي سټيډيم کښې لوبيدلې ميچ کښې نيوزي لينډ ټاس ګټلو وو او جنوي افريقې ته ئې د بيټنګ بلنه ورکړې وه، جنوبي افريقې مقره اوورونو کښې شپږ وکتو په زيان درې سوه پنځه رنز جوړ کړي وو ۔
جنوبي افريقې طرف نه خپل اولني ميچ يعنې ډيبيو کښې ميتهيو بريټزکے ټولو نه زيات يو سل پنځوس رنز سکور کړي وو او يو نوې نړيوال ريکارډ ئې په خپل نوم کړې وو ۔
نيوزي لينډ دغه هدف په نهه څلوښتم اوور کښې څلور وکټو په زيان پورا کړې ،چې پکښې کين ويلمسن ټولو نه زيات ناقابل شکست يو سل دري ديرش او ډيوون کانوے اووه نوي رنز جوړ کړي وو ۔
کين ويليم سن شاندار يوسل دري ديرش رنز جوړولو باندې د ميچ بهترين لوبغاړې ګرولې شويدې ،د سيريز دريم ميچ به شورو په ورځ د پاکستان او جنوبي افريقې ترمينځ لوبيږې ۔
