اولني ټيسټ ميچ کښې ويسټ انډيز په نوي رنز پاکستان ته شکست ورکړې او دوه ميچونو سيريز کښې ئې يو صفر سره برتري ترلاسه کړې ده ، د کوربه ټيم دوه سوه ،يوولس رنز هدف تعاقب کښې ټول قامي ټيم د ميچ په څلور مه ورځ صرف يو سل، شل رنز باندې آؤټ شوېدې، دواړو اننګز کښې اووۀ وکټې اخستو باندې د ويسټ انډيز جسټس ګريوز د ميچ بهترين لوبغاړې ګرځولې شويدې ۔
برائن لارا کرکټ سټيډيم کښې لوبيدلې اولني ټيسټ ميچ کښې په څلورمه ورځ ويسټ انډيز ګټې لپاره پاکستان ته د دوه سوه، يوولس رنز هدف ورکړې وو، د کوم جواب کښې قامي ټيم يوسل، شل رنز باندې آؤټ شويدې ۔
پاکستان طرف نه ټولو نه زيات کپتان بابراعظم اتۀ پنځوس رنز جوړ کړي او ناټ آؤټ پاتې شوې ، محمد عباس دري ويشت او محمد رضوان په يوولس رنز آؤټ شوي وو ۔
آذان اويس، امام الحق، شان مسعود، درې درې، سلمان آغااو عامر جمال په صفر آؤټ شوي وو ،ويسټ انډيز طرف نه جيډن سيلز پنځۀ ، کيمر روچ او جسټس ګريوز دوه، دوه وکټي په خپل نوم کړې وې ۔
وړومبي اننګز کښې پنځۀ او دوئم کښې دوه وکټې اخستو باندې د کوربه ټيم جسټس ګريوز ته د ميچ بهترين لوبغاړې اعزاز ورکړې شويدې ۔
دويسټ انډيز وړومبي اننګز سکور درې سوه يوولس رنز جواب کښې پاکستان په وړومبي اننګز کښې دوه سوه، دوه اتيا رنز آؤټ شوې وو، کوربه ټيم دوئم اننګز کښې يو سل ،يو اتيا رنز باندې آؤټ شوې وو، او پاکستان ته ئې ګټې لپاره د دوه سوه يوولس رنز هدف ورکړې وو، ولې قامي ټيم په يوسل ، شل رنز آؤټ شوې او ميچ ئې بيللې دې ۔
دوه ميچز باندې مشتمل د سيريز دوئم او آخري ټيسټ ميچ به په دوئم اګست پورټ آف سپين کښې لوبيږي ۔
