اسلام آباد: د مرکزي رويت هلال کميټۍ اجلاس اسلام آباد کښې شوې،اجلاس نه پس خبرغونډې ته وينا کښې چيئرمين مولانا عبدالخبير آزاد وئيلي چې د ګل په ورح به وړوکې اختر مذهبي جوش او جذبے سره نمانځلې شي ۔
مولانا عبدالخبير آزاد اووئيل چې د شوال مياشت په نظر راغلې او د ملک مختلفو سيمو نه د مياشت د ليدو شهادتونه موصول شويدي ۔
د مرکزي رويت هلال کميټۍ چيئرمين مولانا عبدالخبير آزاد د غونډې مشري کړې ، چې پکښې د کميټۍ نور اراکين هم ګنړ شمير کښې شريک شوي،غونډه کښې د موسمياتو محکمې او سپارکو ماهرينو هم شرکت کړې وو ۔
د رويت هلال کميټۍ اجلاس نه پس خبري غونډې ته خپله وينا کښې د کميټۍ چيئرمين مولانا عبدالخبير آزاد وئيلي چې د ملک مختلفو برخو نه د شوال مياشت ليدو شهادتونه موصول شويدي ۔
هغه اووئيل چې ګوجرانواله، لاهور او د ملک نورو سيمو نه هم د شوال مياشت شهادتونه موصول شوي دي ، بلخوا د ملک نورو سيمو مردان، کاټلنګ،اسلام آباد او نورو علاقو کښې هم د شوال مياشت زياتره خلقو پخپله ليدلې ده ۔
مولانا عبدالخبير آزاد مخکښې اووئيل چې شهادتونه موصول کيدو نه پس مشاورت سره فيصله شوې چې سبا به ټول ملک کښې وړوکې اختر نمانځلې شي ۔
په دې موقع د رويت هلاک کميټي چيئرمين او نور اراکينو د ملک استحکام او ترقۍ لپاره دعاګانې هم غوښتې دي ۔
