پېښور– د برتانوي هايکورټ لخوا د 190 میلیونه پونډو په اړه شوې فيصلی ته په غبرګون کې، بیرسټر ډاکټر سیف ویلي چې دا فیصله د جعلي حکومت پر مخ یو سپيړه ده.
نوموړي د پېښور نه د رسنیو سره د خبرو پر مهال وویل، د معاهدې له مخې دا پیسې باید د پاکستان سترې محکمې (سپریم کورټ) ته جمع شوې وای، خو حکومت د بدنیتۍ پر اساس دا کيس بلخوا بوتلو.
“القادر ټرسټ کيس د شخصي دښمنۍ او بدنیتۍ نتیجه ده”
بیرسټر ډاکټر سیف وویل، د برتانوي هايکورټ فيصلی ثابته کړه چې القادر ټرسټ کيس یوازې د شخصي انتقام او بدنیتۍ په اساس جوړه شوې وه. هغه زیاته کړه چې لکه د نورو جعلي کيسونو په څېر، دا کيس هم هایکورټ ته په رسېدو سره بې بنياد ثابتېږي.
“شریف کورنۍ ارمانونه به د هايکورټ په پرېکړه کې وچي”
بیرسټر سیف ادعا وکړه چې کله دا کيس هایکورټ ته لاړ شي، نو د مریم نواز او د شریف کورنۍ ټول ارمانونه به د اوښکو په سېلاب لاهو شي.
“د جعلي حکومت دروغ یو یو بربنډېږي”
نوموړي وویل، د جعلي حکومت ټول درواغجن مقدمات یو په بل پسې افشا کېږي، او ډېر زر به دا کيس هم ختم شي. هغه د طنز په ډول وویل، حکومت دې د بل جعلي مقدمې جوړولو ته تیاری نیسي، ځکه دا یې هم پای ته رسېږي.
“عمران خان ټول جعلي مقدمات زغمي”
بیرسټر ډاکټر سیف وویل، عمران خان د ټولو جعلي کيسونو په وړاندې کلک ولاړ دی، او دا ثابتوي چې حقیقت د دوی سره دی، نه د جعلي حکومت سره.
