د قانون او انصاف وفاقي وزير سينيټر اعظم نذير تارړ د پي ټي آئي د باني ګرفتاري او زير التواء مقدمې د پاکستان كورنۍ معامله ګرځولې ۔ د ملګرو ملتونو د ورکنګ ګروپ په رپورټ خپل غبرګون كښې وفاقي وزير ووئيل د خپلواكه رياست په توګه پاکستان كښې د عدالتونو د لارې په آئين او په مروجه قوانين عمل كېږي۔ ده ووئيل د پي ټي آئي باني ته د هېواد آئين و قانون او د نړيوالو اصولو له مخې ټول حقونه ترلاسه دي او ھغوي د يو سزا وار بندي په توګه زندان كښې پراته دي۔ ده ووئيل په يو شمېر مقدمو كښې د پي ټي آئي باني ته ريليف ترلاسه كېدل، د سپېځلې ټرائل او عدالتي نظام مظهر دے۔ ده ووئيل د آئين، قانون او نړوالو اصولو څخه ماورا يوه مطالبه به هم د امتيازي، جانبداره او د عدل په خلاف بللې شي۔
