کوهاټ او نوښار کښې د ټارکټ کلنګ دوه پيښې رامخې ته شوې، کوهاټ کښې پخوانې ضلعي ناظم او نوښار کښې سينئر سول جج د ډزو دوران پحق رسيدلي دي ۔
کوهاټ کښې پنډي روډ باندې ګمبټ سره نيزدې نامعلومه کسانو په ګاړي ډزې کړې چې پکښې پخوانې ضلع ناظم ملک اسد خان پحق رسېدلې او د هغه ملګرې ژوبل شوې ۔
بلخوا د نوښار رشکئۍ انټرچينج سره ډزو کښې سينئر سول جج او وکيل پحق رسېدلي دي، پوليسو د دواړو پيښو تحقيقات شروع کړيدي ۔
پوليسو ترمخه کوهاټ کښې د پنډۍ روډ باندې ګمبټ سره نيزدې نامعلومه کسانو په ګاډي ډزې کړي، چې په نتيجه کښې ئې پخوانې ضلعي ناظم ملک اسد خان پحق رسېدلې او د هغه ملګرې ژوبل شوېدې ۔
پوليس چارواکو وئيلي دي چې پحق رسېدلې ملک اسد د پخواني آئي جي خېبر پښتونخوا ملک نويد ورور وو ۔
بلخوا د نوښار سيمې رشکئۍ انټر چينج پل باندې نامعلومه ملزمانو په ګاډي ډزې کړي، ډزو کښې سينئر سول جج ايډمن مردان حيات خان او يو وکيل خالد خان پحق رسېدلي دي م۔
پوليس زياتوي چې د پيښې روستو ملزمان په تيښته کښې بريالي شوي، پوليسو د ملزمانو خلاف شواهد راجمع کولو وروستو تحقيقات آغاز کړېدې ۔
د خېبر پښتونخوا آئي جي پوليس ذوالفقار حميد د دواړو پيښو نوټس اخستې او متعلقه آري پي اوز نه ئې رپورټ غوښتې دي۔
