دپاکستان په دوره راغلې د سعودي عرب خارجه چارو وزيرمملکت عادل الجبير اسلام آباد کښې وزيراعظم شهبازشريف او خارجه وزير اسحاق ډار سره جدا جدا ملاقاتونه کړيدي ۔
په دې موقع پاک بهارت کشيدګۍ او د پاکستان او سعودي عرب اړيکو پشمول نورو اهم چارو باندې خبرې شويدي ،وزيراعظم د بهارتي جارحيت او پاکستان موقف نه سعودي وزير خبر کړېدې، وزيراعظم د منطقې امن تباه کولو کښې د بهارت کردار نه هم سعودي وزير خبر کړې ۔
سعودي وزير مملکت برائے خارجه عادل الجبير خارجه وزير اسحاق ډار سره هم ليدۀ کاتۀ کړي چې پکښې پاک بهارت کړکيچن صورتحال باندې خبرې شوي دي ۔
دې نه وړاندې پاکستان ته دراتګ وروستو سعودي وزير عادل الجبير اسلام آباد کښې د خارجه چارو وزارت دوره کړې ، چرته چې نائب وزيراعظم او وزيرخارجه اسحاق ډار د هغه استقبال کړې ۔
وروستو دواړو مشرانو ترمينځ په دوه اړخيزه چارو تفصيلي خبرې اترې شوي او په خصوصي توګه پهلګام حملې نه پس د پاکستان او بهارت ترمينځ پيدا شوي تاؤ تريخوالي خبرې شوي ۔
په دې موقع خارجه وزير اسحاق ډار منطقه کښې د امن او استحکام لپاره د سعودي عرب تعميري سفارتي کوششونو ستائنه کړې، دواړو مشرانود دوه اړخیزه تعلقاتو په ټولو اړخونو هم خبرې اترې کړېدي ۔
ياده ديې وي چې د پاکستان راتګ وړاندې عادل الجبير تيره ورځ نوې دلي کښې بهارتي چارواکو سره هم ملاقاتونه کړي وو ، چې کښې پاک بهارت کشيدګۍ باندې د خيالاتو بدلون شوې وو ۔
