د پاکستان سپر ليګ لسم ايډيشن خوندور او دلچسپ ميچونه دوام لري، د ميګا ايونټ څلورم ميچ کښې لاهور قلندرز په نهه اوويا رنز کوئټه ګليډې ايټرز ته ماتې ورکړيده ۔
د دوه سوه شل رنز هدف په تعاقب کښې د کوئټې ټول ټيم اوولسم اوور کښې يو سل څلويښت رنز باندې آؤټ شوې او ميچ ئې بيللې دې ۔
د پنډۍ کرکټ سټيډيم کښې جاري ميچ کښې کوئټه ګليډې ايټرز ټاس ګټلې وو او پخپله ئې د فيلډنګ فيصله کړې وه ۔
لاهور قلندرز مقرره اوورونو کښې شپږ وکټو په زيان دوه سوه، نورلس رنز جوړ کړي وو، چې پکښې ټول نه زيات فخر زمان اووه شپيته رنز باندې آؤټ شويدې ۔
سيم بلنګز پنځوس رنز باندې ناټ آؤټ پاتې شوې وو،عبدالله شفيق اووه ديرش او ډيرل مچل هم اووه ديرش رنز باندې آؤټ شويدي ۔
کوئټه ګليډې ايټرز طرف نه عقيل حسين او ابرار احمد دوه، دوه وکټې په خپل نوم کړېدي،د مقرره هدف په تعاقب کښې د کوئټه ګليډې ايټرز ټول ټيم يو سل ، څلويښت رنز باندې آؤټ شوې او ميچ ئې بيللې دې ۔
ګليډي ايټرز طرف نه ټول نه زيات ريلي روسو څلور څلويښت، کوسال مينډس اته ويشت او فهيم اشرف يويشت رنز جوړ کړي وو ۔
قلندرز لخوا رشاد حسين درې، شاهين شاه آفريدي، آصف آفريدي او سکندر رضا دوه، دوه وکټې په خپل نوم کړې وې ۔
