پيښور: د هيلتهـ انشورنس سکيم د کاميابۍ نه پس خيبر پښتونخوا حکومت اولسي خيګړې لپاره يو بل انقلابي قدم اوچت کړے وزيراعلي په صحت کارډ سکيم کې د لائف انشورنس سکيم شاملولو فيصله کړيده ۔
په دې حواله د وزيراعلیٰ علي امين ګنډاپور په مشرۍ کښې يو دستوره ترسره شويده، دستوره کښې په لائف انشورنس سکيم عمل درآمد يقيني کولو لپاره د مفاهمت په يادداشت دستخط شويدې ۔
د خېبر پښتونخوا حکومت د انشورنس سکيم شروع کولو په حواله د ملک په کچ وړومبي اقدامات کړيدي ۔
د خېبر پښتونخوا وزيراعلیٰعلي امين ګنډاپور وئيلي دي چې لائف انشورنس سکيم د صوبائي حکومت د فخر او خوشحالۍ ګام پورته کړيدے چې دا سکيم يواځي د ملک په کچ نه بلکه په ټوله نړۍ کښې يو ځانګړے حيثيت لري،او دا چې د خېبر پښتونخوا حکومت د باني پي ټي آئي د ويژن مطابق اولسي خير خيګړي لپاره عملي اقدامات کوي ۔
د دې سکيم ترمخه به شپيته کالو پورې د عمر رسيدونکو ته د وفات نه پس د هغه کورنۍ ته لس لکه روپۍ ورکولې کيږي او د چا عمر چې شپيته کالو نه سيوا وي د هغه کورنۍ ته به پنځه لکه روپۍ ورکول کيږي او دې سکيم نه به يو کروړ څلور لکه نه سيوا کورنۍ ګټه پورته کړي ۔
