پاک افغان طورخم بارډر نن په نهمه ورځ هم د هرقسمه تګ راتګ او تجارتي آمدورفت لپاره بند وو، د پولې دوانړه اړخونو ته آباد خلق، مسافر او ټرانسپورټران د سختو ستونزو سره مخ شويدي ۔
ذرائعو امکان څرګند کړې چې طورخم پوله سبا د ګل په ورځ دوباره کهولاويدو امکان دې، دې لړ کښې مشاورتي اجلاس هم شوې، ددې نه علاوه د پاکستان او افغانستان چارواکو ترمينځ ميټنګ هم د ناکامې سره مخ شويدې ۔
نهه ورځې وړاندې طورخم بارډر هاغه مهال اوتړلې شو کله چې افغان فورسز په متنازعه ځائې باندې چيک پوسټ جوړولو کوشش کوؤلو، د دې وروستو د دوانړه هيوادونو فورسز يو بل مورچه زن شوې وو ۔
بلخوا په پیښور کښې تعینات افغانستان قونصل جنرل حافظ محب الله شاکر په وزیر اعلی هاؤس پیښور کښې وزیر اعلی علی امین ګنډاپور سره لیده کاته کړيدي ۔
د ملاقات په وخت پاک افغان سرحدی پوله طورخم باندی دواړو ګاونډی هيوادونو ترمینځ تاؤ تريخوالی او د دې بندولو باندې د خیالاتو بدلون شوې، دواړو مشرانو اتفاق کړې چې سرحدی پوله بندیدو سره دواړو هېوادونو ته مالي زیان رسیدلې دې ۔
هغوې سرحدی پوله د پرانستو لپاره کوششونه کولو باندې اتفاق کړې، په ملاقات کښې دا خبره په ډاګه شوې چې سرحدی پوله بندیدو سره د تاجرانو مالی نقصان شوې او کیږی ۔
وزیر اعلی علی امین ګنډاپور افغان قونصل جنرل حافظ محب الله شاکر باندی واضحه کړې چې د خیبر پښتونخوا حکومت لخوا نه یو وفد افغانستان ته لیږلي کېږی چې مقصد ئې په خیبر پښتونخوا کښې امن لپاره کوششونه دي ۔
