اليکشن کميشن په خېبر پښتونخوا کښې بلدياتي انتخابات ځنډولي دي، اليکشن کميشن لخوا جاري شوي بيان ترمخه د ايمرجنسي نه متاثره ضلعو نه علاوه نور ښارونو کښې به هم بلدياتي انتخابات نۀ کيږي،بيان کښې وئيلي شويدي چې في الحال خېبرپښتونخوا کښې دغه اليکشن کول ممکن نۀ دي، اليکشن کميشن دا فيصله د وفاقي حکومت د آرټيکل يوسل،څلويښتم د معطلۍ حکم نامې وروستو کړيده ۔
اسلام آباد: د الېکشن کمېشن ترمخه په خیبر پښتونخوا کښې د بلدیاتي انتخاباتو لپاره اقدامات شروع شوي وو، خو وفاقي حکومت د نومبر په څلورمه نېټه آرډر نمبر درې جاري کړې دې ۔
د الېکشن کمېشن ترجمان ووئيلي چې د چیف الېکشن کميشنر سکندر سلطان راجه په مشرۍ کښې شوې غونډه کښې د وفاقي حکومت د حکم جاج اخستلې شوې دې ۔
اليکشن کميشن وئيلي چې د وفاقي حکومت د حکم د دویم شق مطابق د آئین اے یو سل څلوېښتم آرټيکل معطل شوې، کوم چې په صوبو کښې د مقامي حکومتونو د جوړولو په اړه دې ۔
د اليکشن کميشن ترمخه د آئین د دې آرټيکل د دویم ذیلي شق له مخې بلدیاتي انتخابات ترسره کول د کميشن آئيني ذمه واري ده، خو د وفاقي حکومت د حکم لوجې په خیبر پښتونخوا کښې انتخابات ممکن نۀ دي ۔
اليکشن کميشن مخکښې وئيلي دي چې د بلدیاتي انتخاباتو لپاره تر اوسه شوي ټول اقدامات تر بل حکم پورې اودرول شوي دي ۔
