وزيراعلیٰ سهيل آفريدي د باني پي ټي آئي رهائۍ او دې لړ کښې د لانګ مارچ تيارو په حواله د خيبر پښتونخوا نه سټريټ موومنټ شروع کړېدې، دې لړ کښې هنګو کښې پي ټي آئي کارکنانو ته وينا کښې سهيل آفريدي وئيلي دي چې اووه ويشتم ستمبر باندې به اسلام آباد په لور لانګ مارچ کوو، او اوس به څلويښت لکه کسان لانګ مارچ کښې شرکت کوي ۔
هنګو کښې د سټريټ موومنټ ګډون والو ته خپله وينا کښې وزيراعلیٰ سهيل آفريدي اووئيل چې د سپريم کورټ درې ججانو د باني پي ټي آئي علاج لپاره شفا هسپتال ته منتقلۍ حکم کړې، ولې وفاقي حکومت د عدالت حکم د خپو لاندې کړېدې ۔
سهيل آفريدي اووئيل چې يو ځل بيا د ملک اشرافيه ثابته کړې چې دوي ملکي آئين او قانون بيخي نۀ مني ، عدالتونه چې زمونږ خلاف حکم اوکړي نو ادارې يو ګهنټه په دغه فيصلو عمل درآمد کوي ۔
هغه زياته کړې چې د باني پي ټي آئي علاج لپاره عدالت حکم کړې ، ولې حاکمان خپل ځان د آئين او قانون نه لوئې ګڼي او عدالتي فيصلو باندې عمل درآمد نۀ کوي ۔
وزيراعلیٰ سهيل آفريدي په عدالتونو يو ځل بيا سخت ټکونه کړې او وئيلي دي چې عدالتونه دغه اَن ټچيبل خلق په خپلو فيصلو نۀ شي مجبورولې ، نو بيا دې عدالتونه مظلومانو خلاف هم فيصلې نۀ ورکوي ۔
