پي ټي آئي باني سره ملاقاتونو او د هغه صحت متعلق کيس کښې مهم پرمختګ، سپريم کورټ باني پي ټي آئي د علاج لپاره شفا هسپتال ته منتقل کولواو هفته کښې يو ورځ د کورنۍ د غړو سره د هغه د ملاقات حکم جاري کړېدے،عدالتي فيصلې ترمخه پي ټي آئي باني به په شپاړسم ستمبر کيدونکې د دې مقدمې د بل سماعت پورې په هسپتال کښې داخل وي،جسټس شاهد وحيد مشرۍ کښې درې کسيزه بنچ د دې مقدمې سماعت کړي وو ۔
اسلام آباد: سپريم کورټ د پاکستان تحريک انصاف باني او پخوانې وزيراعظم عمران خان صحت په اړه د درخواستونو سماعت کړې او د باني پي ټي آئي اډياله جېل نه د اسلام آباد شفا انټرنېشنل هسپتال ته د منتقل کولو حکم ئې جاري کړې دې ۔
سپريم کورټ وئيلي دي چې باني پي ټي آئي به تر راتلونکې سماعت پورې په شفا انټرنېشنل هسپتال کښې وي، عدالت دا هم هدایت کړې چې هسپتال کښی دې د امن او امان صورتحال بهتر جوړ کړې شي او د باني د صحت معامله دې د سياسي هلو ځلو نه جدا اوساتلي شي ۔
د سماعت دوران باني د صحت په اړه د وړاندې شوي رپورټونو حواله هم ورکړې شوې، چې په کښې د هغه د بلډ پريشر او د سترګې د مسئلې ذکر شوې دې ۔
عدالت د باني د کورنۍ سره د ملاقاتونو په اړه هم مهمې پوښتنې کړې دي، د اېډووکېټ جنرل عدالت ته وئيلي چې په تېرو درېو کلونو کښې د باني د خوېندو سره اتۀ څلوېښت ملاقاتونه شويدي ۔
سپريم کورټ د دغه ټول ملاقاتونو مکمل ريکارډ غوښتې او د باني د خپلو ځامنو سره د ټېليفون د لارې خبرو تفصيلات ئې هم طلب کړيدي ۔
د ملاقاتونو په اړه د سماعت پر مهال عدالت دا پوښتنه هم کړې کۀ د باني د مېرمنې سره په هفته کښې ملاقات کېږي، نو د هغه خوېندې ولې د کورنۍ برخه نه ګڼل کېږي؟
د عدالت له اړخه د کورنۍ سره د ملاقاتونو په اړه هم مهمې خبرې مخې ته راغلي دي، عدالت د ملاقاتونو د ريکارډ د وړاندې کولو امر کړې او د اډياله جېل چارواکي ئې راتلونکې سماعت ته هم طلب کړیدي ۔
عدالت خپله عبوري حکمنامه کښې وئيلي چې د ميډيکل معاملې باندې دې سياست کولو نه ډډه اوکړي شي، خلاف ورزي کونکو خلاف به کاروائي کولې شي او عدالت به خپلي فيصله واپس هم اخستې شي ۔
