د خېبر پښتونخوااطلاعاتو وزیر شفیع جان واضحه کړې چې غازي تحصیل وفاق کښې شاملولو په اړه چلیدونکي خبرونه پروپګنډه او بے بنياده دي، په دې کښې هيڅ حقيقت نيشته ، شفیع جان مطابق د هرې صوبې د جغرافیایي حیثیت بدلولو لپاره دستوري او آئیني ترمیم پکار وي، او صرف د یو جعلي نوټیفکیشن له لارې د خیبر پښتونخوا د يوې سیمې بنياد او حیثیت نۀ شي بدلیدې ۔
پيښور: د خيبر پښتونخوا د اطلاعاتو وزیر شفیع جان خپل وضاحتي بیان کښې وئیلی چی اولس پي ټي آئي ته کوم مینډیټ ورکړی، د هغې ستاتنه زمونږ آئیني او جمهوري فرض دې او د صوبې د جغرافیائې وحدت خلاف سازش کاميابدو اجازت به هيچاته هم ورنکړې شي ۔
شفیع جان خبرداری ورکړې چې چا هم په دې اړه جعلي نوټیفکیشن یا من گھړت خبرونه خپاره کړي د هغو خلاف به سخته قانوني کاروائي کولې شي .
د اطلاعاتو صوبائي وزیر زیاته کړې چې غازي تحصیل د خېبر پښتونخوا برخه ده او په داسې جعلي نوټي فيکشن دا حقیقت نه شي بدلیدلی. هغه له اولس څخه غوښتنه کړې چې په پروپيګنډو او بے بنیاد خبرونو دې باور نه کوي ۔
