پاکستانيانو لپاره د خوشحالې لوئې خبر، متحده عرب امارات د څو مياشتو غير يقيني صورتحال وروستو پاکستانيانو لپاره د ويزو جاري کولو عمل بيا شروع کړې، رجسټرډ ټريول ايجنټس د لارې درخواست ورکونکي پاکستانيانو ته وزټ ويزے ورکولو سلسله بيا شروع کړې شوې، ټريول انډسټري سره تړلي کسانو او پاکستان کښې د يو اے اي سفارت خانې يو عهديدار د دغه خبر تصديق هم کړې ۔
يو اے اي کښې اتلس لکه پورې پاکستانيان ميشتۀ دي او دغه د بهر ملک نه پاکستان لپاره د ترسيلات زر راليږلو لوئې ذريعه ګنړلې کيږي ۔
تير څو مياشتو دوران د پاکستان او يو اے اي لخوا بار بار وئيل کيدل چې په سرکاري ويزو پابندي نۀ ده لګولې شوې، خو درخواست ورکونکو د ويزو اجرا کښې اوږد خنډ او سخت جانچ پړتال شکاياتونه کړي وو ۔
د ټريول ايجنټس ايسوسي ايشن پخوانې چيئرمين وائي چې خپلوانو سره سيل لپاره سفر کونکو پاکستانيانو ته بيا وزټ ويزې جاري کولې کيږي، داسې کسان په وخت ويزې ترلاسه کولې شي کوم چې متحده عرب امارات کښې ميشته خپل خپلوانو سره ملاقات لپاره تلل غواړي ۔
اسلام آباد کښې د يو اے اي سفارت خانې عهديدار هم تصديق کړې چې رجسټرډ ټريول ايجنسيو د لارې درخواست ورکونکي عام پاکستاني پاسپورټ ساتونکو ته وزټ ويزې جاري کولې کيږي ۔
د ويزو په درخواستونو کاروائي کښې د خنډ يوه وجه سيکيورټي او حفاظتي معاملات وو، خو اوس مکمل دستاويزات لرونکي درخواست ګزار بغير د څه مشکل درخواست جمع کولې شي ۔
