د ټانک په منجي خيل سيمه کښې د سيکيورټي فورسز په چيک پوسټ ترهه ګرو حمله کړې،دې دوران د پوليس او شرخوښو ترمينځ ډزو تبادله هم شوې، ذرائعو ترمخه ترهه ګرو حمله کښې اتۀ سيکيورټي اهلکار شهيدان او شل ژوبل شويدي،د ترهه ګرو حملې وروستو سيکيورټي فورسز علاقه کښې د شرخوښو خلاف سرچ آپريشن شروع کړېدے .
ټانک: معلوماتو له مخې، تېره شپه یوه ځانمرګي بریدګر له بارودی مواد ډک موټر د مانجهي خېل له امنیتي پوستې سره جنګولې وو، د پولیس په وینا د چاودنې شدت دومره زیات وو چې چيک پوسټ په مکمله توګه تباہ شوې ۔
ذرائعو وئيلي دي چې دې دوران د پوليس او شرخوښو ترمينځ ډزو تبادله هم شوې، د ترهه ګرو حمله کښې اتۀ سيکيورټي اهلکار شهيدان او شل ژوبل شويدي ۔
ترهه ګرو حمله کښې ژوبل اهلکاران سمدستي نيزدې ہسپتال ته منتقل کړې شوي، چې د بعضو ژوبل اهلکارو حالت نازک ښودلې کېږي ۔
امنیتي سرچینې وائي چې برید وروسته پولیس او نورو امنیتي ادارو اهلکارانو سیمه ولقه کېښ اخستې او د لټون عملیات ئې پیل کړي، چې لا هم دوام لري ۔
بلخوا د امنیتي اندېښنو له امله ضلعي ادارې په ټول ټانک کې کرفیو نافذ کړی او له خلقو ئې غږ کړې چې په خپلو کورونو کښې پاتې شي او له غیر ضروري تګ راتګ څخه ډډه اوکړي ۔
