فيلډ مارشل عاصم منير واضحه کړې چې ترهه ګرۍ خاتمې پورې به فتنه الهندوستان او نور ترهه ګرو خلاف کاروائيانې جاري وي، نيشنل ورکشاپ بلوچستان شرکا ته خطاب کښې فيلډ مارشل وئيلي چې سيکيورټي فورسز کوششونواو د اولس غير متزلزل مرستو سره به بلوچستان کښې پائيدار امن قائمول يقيني جوړوؤ، ملک کښې چې چرته هم ترهه ګرو انفراسټرکچر د ملکي سلامتيا لپاره خطره جوړيږي، هغه به ختمولې شي، بلوچستان د ډير قدرتي وسائل، محب وطن، باصلاحيت او باهمت اولس نه مالا مال صوبه ده، او دا د بلوچستان اصل طاقت دې ۔
د پاک فوج اطلاعاتو شعبې له لوري جاري بيان مطابق پنډۍ کښې د نيشنل ورکشاپ بلوچستان شرکاؤ ته خطاب دوران فيلډ مارشل سيد عاصم منير اووئيل چې د سيکيورټي فورسز مسلسل کوششونو او د عوام غير متزلزل حمايت سره به بلوچستان کښې پائيدار امن قائمولې شي ۔
هغه اووئيل چې فورسز کاروائيانې به د ترهه ګرو او هغوي سهولت کارانو خاتمې پوري بهر پور قوت سره جاري وي، ترهه ګرو انفراسټرکچر خاتمې لپاره غير متزلزل عزم باندې قائم يو ۔
فيلډ مارشل اووئيل چې بيروني سرپرستۍ کښې کار کونکي پراکسي عناصر مسلسل بلوچستان کښې بدامني، عدم استحکام او امن سبوتاژ کولو کوشش کوي، خو مسلح افواج د عوام يکجهتۍ او ثابت قدمۍ سره دغه مذموم عزائم به ناکامه کوي ۔
فيلډ مارشل سيد عاصم منير مخکښې اووئيل چې بلوچستان د ډير قدرتي وسائل، محب وطن، باصلاحيت او باهمت اولس نه مالا مال صوبه ده، کوم چې د بلوچستان اصل طاقت دې، د بلوچستان سماجي او معاشي ترقۍ لپاره عوام دوست او جامع منصوبو باندې عمل روان دې،چې مقصد ئې د صوبي تقدير بدلول دي ۔
فيلډ مارشل زياته کړې چې د قامي يووالې ته وده ورکولو کښې سول سوسائټي، جامعات، ميډيا او ځوانانو مثبت کردار ستائنه کړې او وئيلي دي چې ملک ته ورپيښ چيلنجونو مخنيوې او روښانه مستقبل بنياد ايښودو لپاره قامي اتحاد، استقلال او مشترکه کوششونه ضروري دي ۔
