د پي ډي ايم اے رپورټ ترمخه خېبر پښتونخوا کښې جاري اوسني بارانونو او سيلاب لوجې درې ورځو دوران مختلفو واقعاتو کښې پحق رسيدلي کسانو شميره اتلس ته رسيدلې او نورلس کسان ژوبل شوي، دې دوران دیرش کورونو ته زيان هم رسيدلې دې، بلخوا د بارانونو سلسله به د روانې مياشتې دري ويشتمې نيټي پورې جاري پاتي کيدو پيشنګوئي هم شوې ده ۔
پيښور: پي ډي ايم اے لخوا جاري شوې رپورټ ترمخه خېبرپښتونخوا کښې د نوولسمې جولائۍ نه تر اوسه پورې د تيز بارانونو، سيلابونو لوجې په مختلفو پيښو کښې اتلس کسان پحق رسيدلي او نورلس ژوبل شويدي ۔
رپورټ مطابق د بارانونو او سيلابونو لوجې په مجموعي توګه دیرش کورونو ته زيان رسيدلې په کوم کښې چې دري ویشت ته جزوي او اووۀ کورونه په مکمله توګه تباه شويدي ۔
پي ډي ايم اے رپورټ ترمخه دا حادثات په باجوړ،مردان ،بونير،نوښار ،چترال،صوابۍ ،دير،کرم ،وزيرستان ،تور غر، شانګله او يو شمېر نورو سيمو کښې مخې ته راغلي دي ۔
پي ډي ايم اے لخوا متعلقه ضلعي انتظامي افسرانو ته د متاثره خاندانونو سره په فوري توګه د امداد کولو او ژوبل کسانو ته د غوره طبي سهولياتو ورکولو هدايات هم جاري شويدي ۔
بلخوا خېبر پښتونخوا ،اسلام آباد پشمول د ملک په مختلف برخو کښې وقفې وقفې سره د باران سلسله جاري ده، د زيات باران لوجې په خوړونو او نالو کښې د اوبو سطح سيوا شوې ۔
موسمياتو محکمې ترمخه د بارانونو سلسله به دوه ورځو پورې جاري وي، اين ډي ايم اے د تيز باران لوجې برنۍ سيمو کښې د لينډ سلائيډنګ او سيلابونو انديښنه څرګند کړې،متعلقه چارواکو ته الرټ اوسيدو هدايات ئې هم جاري کړېدي ۔
